ປະກາດການຍົກຍ້າຍ ແຕ່ງຕັ້ງພະນັກງານການນໍາຂັ້ນສູງ ຂັ້ນພະແນກການ-ອົງການທຽບເທົ່າ

ປະກາດການຍົກຍ້າຍ ແຕ່ງຕັ້ງພະນັກງານການນໍາຂັ້ນສູງ ຂັ້ນພະແນກການ-ອົງການທຽບເທົ່າ

ພິທີປະກາດການຍົກຍ້າຍ ແຕ່ງຕັ້ງພະນັກງານການນໍາຂັ້ນສູງ ແລະ ຂັ້ນພະແນກການ-ອົງການທຽບເທົ່າ ນະຄອນ ຫຼວງວຽງຈັນ (ນວ) ຈັດຂຶ້ນວັນທີ 7 ສິງຫາ 2025 ທີ່ຫ້ອງວ່າການ ນວ ໂດຍເປັນປະທານຂອງທ່ານ ອານຸພາບ ຕຸນາລົມ ເລຂາຄະນະພັກ ປະທານສະພາປະຊາຊົນ ນວ ມີທ່ານ ສີລິລາດທົງສິນ ທອງເພັງ ຮອງເຈົ້າຄອງ ນວ ບັນດາການນໍາ ນວ ເຈົ້າເມືອງ ຫົວໜ້າຮອງຫົວໜ້າພະແນກການ ແລະ ຂະແໜງການກ່ຽວຂ້ອງເຂົ້າຮ່ວມ.

ໃນພິທີທ່ານ ນັນທະພົນ ສີວັດທະນາ ຮອງຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ໄດ້ຂຶ້ນອ່ານຄຳສັ່ງຂອງຄະນະເລຂາທິການສູນກາງພັກວ່າດ້ວຍການຍົກຍ້າຍພະນັກງານການນໍາຂັ້ນສູງໄປຮັບໜ້າທີ່ໃໝ່ ແລະ ພະນັກ ງານການນໍາຂັ້ນສູງ ນວ ອອກພັກຜ່ອນຮັບບຳນານ ໂດຍໄດ້ອອກຄຳສັ່ງຍົກຍ້າຍທ່ານ ເດດສົງຄາມ ທຳມະວົງ ກຳມະການຄະນະປະຈຳພັກ ນວ ໄປຮັບໜ້າທີ່ໃໝ່ຢູ່ກະຊວງໂຍທາທິການ ແລະ ຂົນສົ່ງ ທ່ານ ສີຄອນ ອ່ອນສີພັນລາ ຄະນະພັກ ນວ ຫົວໜ້າພະແນກເຕັກໂນໂລຊີ ແລະ ການສື່ສານ ນວ ແລະ ທ່ານ ຄຳແສນ ພົນສົງຄາມ ຫົວໜ້າອົງການກາແດງ ນວ ອອກພັກຜ່ອນຮັບບຳນານ.

ຈາກນັ້ນທ່ານ ຄຳມາ ແສງມີໄຊ ຫົວໜ້າຄະນະຈັດຕັ້ງ ນວ ໄດ້ຂຶ້ນຜ່ານຂໍ້ຕົກລົງວ່າການຍົກຍ້າຍ ແລະ ບົ່ງຕົວແຕ່ງຕັ້ງເລຂາໜ່ວຍພັກ ແລະ ຫົວໜ້າພະແນກການ-ອົງການທີ່ຖືກຍົກຍ້າຍ ແລະ ແຕ່ງຕັ້ງຂອງທ່ານເລຂາຄະນະພັກ ນວ ແລະ ທ່ານເຈົ້າຄອງ ນວ ໂດຍແຕ່ງຕັ້ງທ່ານ ພູທອນ ແກ້ວດວງມະນີ ຄະນະພັກ ນວ ຫົວໜ້າພະແນກຍຸຕິທຳ ນວ ເປັນເລຂາຄະນະພັກຮາກຖານ ຫົວໜ້າຄະນະໂຄສະນາອົບຮົມ ນວ, ທ່ານ ນາງ ສຸມາລີ ທຳມະວົງ ຄະນະພັກ ນວ ຫົວໜ້າພະແນກພາຍໃນ ນວ ເປັນເລຂາໜ່ວຍພັກຮາກຖານ ປະທານສະຫະພັນກຳມະບານ ນວ, ທ່ານ ດາວເພັດ ອາລຸນ ຄະນະພັກ ນວ ປະທານສະຫະພັນກຳມະບານ ນວ ຍົກຍ້າຍໄປເປັນຫົວໜ້າດ່ານສາກົນຂົວມິດຕະພາບ 1 ນວ ທ່ານ ສີວຽງທອງ ສໍພາບມີໄຊ ຮອງຫົວໜ້າພະແນກຍຸຕິທຳ ນວ ເປັນຫົວໜ້າພະແນກຍຸຕິທຳ ນວ ເປັນຮັກສາການໜ່ວຍພັກຮາກຖານພະແນກຍຸຕິທຳ ນວ, ທ່ານ ດຣ ບຸນທະວີ ເດດບັນດິດ ຮອງຫົວໜ້າພະແນກສາທາລະນະສຸກ ນວ ເປັນຫົວໜ້າອົງການກາແດງ ນວ ຮັກສາການເລຂາໜ່ວຍພັກຮາກຖານອົງການກາແດງ ນວ, ທ່ານ ທະນົງສິດ ເມືອງຈັນ ຮອງຫົວໜ້າພະແນກເຕັກໂນໂລຊີ ແລະ ການສື່ສານ ນວ ເປັນຫົວໜ້າພະແນກເຕັກໂນໂລຊີ ແລະ ການສື່ສານ ນວ ຮັກສາການເລຂາໜ່ວຍພັກຮາກຖານພະແນກເຕັກໂນໂລຊີ ແລະ ການສື່ສານ ນວ.

ໃນຕອນທ້າຍພິທີຍັງໄດ້ເຊັນມອບ-ຮັບໜ້າທີ່ລະຫວ່າງຜູ້ເກົ່າ ແລະ ຜູ້ໃໝ່ ພ້ອມທັງຮັບຟັງການໂອ້ລົມໃຫ້ທິດເຍືອງທາງຜູ້ເຮັດສຳເລັດໜ້າທີ່ວຽກງານໄດ້ຮັບບຳນານ ຜູ້ທີ່ໄປຮັບໜ້າທີ່ໃໝ່ ແລະ ຖືກແຕ່ງຕັ້ງໃໝ່ຕື່ມອີກ.

Leave a Reply

Your email address will not be published. Required fields are marked *

slot, slot pulsa, slot deposit pulsa, deposit pulsa, deposit pulsa tanpa potongan, slot pulsa 2024, slot pulsa terpercaya slot pulsa slot pulsa