ກຽມກໍ່ສ້າງເສົາສາຍສົ່ງໄຟຟ້າແຮງສູງເຂົ້າເຂດພັດທະນາກວມລວມ ໄຊເສດຖາ

  

       ພິທີເຊັນສັນຍາກໍ່ສ້າງ ເສົາສາຍສົ່ງໄຟຟ້າແຮງສູງ 115 Kv ເຂົ້າຫາເຂດພັດທະນາ ກວມລວມໄຊເສດຖາ ນະຄອນ ຫຼວງວຽງຈັນ ລະຫວ່າງທ່ານ ນາງ ກອງຊັບ ກັນລະຍາ ປະ ທານບໍລິສັດ

ສ້ອມແປງອຸດສາ ຫະກຳລາວຈຳກັດຜູ້ດຽວ ຜູ້ຮັບ ເໝົາກໍ່ສ້າງ, ທ່ານ ອຸດອນ ແຍງ ວັນນະວົງ ຫົວໜ້າຄະນະບໍ ລິຫານງານເຂດເສດຖະກິດ ກວມລວມໄຊເສດຖາ ແລະ ທ່ານ ພູຂົງ ບັນນະວົງ ຫົວໜ້າ ພະແນກແຜນການ ແລະ ການ ລົງທຶນ ນະຄອນຫຼວງວຽງຈັນ ໂດຍການເຂົ້າຮ່ວມເປັນສັກຂີ ພິຍານຂອງທ່ານ ແກ້ວພິລາ ວັນ ອາໄພລາດ ຄະນະປະຈຳ ພັກ ຮອງເຈົ້າຄອງນະຄອນ ຫຼວງວຽງຈັນ ພ້ອມດ້ວຍຜູ້ຕາງ ໜ້າຂະແໜງທີ່ກ່ຽວຂ້ອງເຂົ້າ ຮ່ວມພິທີເຊັນສັນຍາດັ່ງກ່າວ ຊຶ່ງມີຂຶ້ນໃນວັນທີ 30 ມີຖຸນາ ຜ່ານມານີ້ ທີ່ເຂດພັດທະນາ ກວມລວມໄຊເສດຖາ (ຂພຊ). ທ່ານຫົວໜ້າຄະນະບໍລິ ຫານງານ (ຂພຊ) ໄດ້ກ່າວ ລາຍງານວ່າ: ເຂດພັດທະນາ ກວມລວມໄຊເສດຖາ ນະຄອນ ຫຼວງວຽງຈັນ ມີເນື້ອທີ່ທັງໝົດ 1.000 ເຮັກຕາ, ກວມພື້ນທີ່ 2 ເມືອງຄື: ເມືອງໄຊທານີ ມີ 3 ບ້ານຄື: ບ້ານຫົວຊຽງ, ບ້ານສະ ພັງຄະນົງ ແລະ ບ້ານສ້າງຫົວ ບໍ່ ແລະ ເມືອງໄຊເສດຖາມີ 3 ບ້ານຄື: ບ້ານໂຊກນ້ອຍ, ບ້ານ ໂຊກໃຫຍ່, ບ້ານນາໂນ. ເຂດ ດັ່ງກ່າວເປັນເຂດເສດຖະກິດພິ ເສດ ແລະ ເຂດເສດຖະກິດສະ ເພາະ 1 ໃນ 5 ເຂດທີ່ຕັ້ງຢູ່ໃນ ນະຄອນຫຼວງວຽງຈັນ. ອີງຕາມສັນຍາການຮ່ວມ ມື ລະຫວ່າງນະຄອນຫຼວງວຽງ ຈັນ ກັບບໍລິສັດລົງທຶນຕ່າງປະ ເທດແຂວງຢຸນນານ ໃນວັນທີ 11 ຕຸລາ 2010, ເພື່ອເປັນ ການພັດທະນາສາຍພົວພັນ ມິດຕະພາບລະຫວ່າງປະຊາ ຊົນສອງຊາດລາວ-ຈີນ ເປັນ ການເປີດກວ້າງການຮ່ວມມື ດ້ານເສດຖະກິດ, ການຄ້າ- ການລົງທຶນ ຕາມຫຼັກການສະ ເໝີພາບ ຕ່າງຝ່າຍຕ່າງມີຜົນ ປະໂຫຍດຮ່ວມກັນແບບເພື່ອນ ມິດ ເພື່ອພັດທະນາໃຫ້ເປັນ ເຂດຜະລິດ ປະກອບມີອຸດສາ ຫະກຳປຸງແຕ່ງ ຜະລິດກະສິກຳ ແລະ ອຸດສາຫະກຳເບົາ ເພື່ອ ສົ່ງອອກ, ສ້າງໃຫ້ກາຍເປັນຕົວ ເມືອງນິເວດວິທະຍາ ເພື່ອຮັບ ຮອງການຂະຫຍາຍຕົວຂອງ ນະຄອນຫຼວງວຽງຈັນໃນອະນາ ຄົດ. ໂດຍການພັດທະນາໃນ ພື້ນທີ່ 1.000 ເຮັກຕາ ປະກອບ ມີລະບົບໄຟຟ້າ, ລະບົບຖະ ໜົນຫົນທາງ, ລະບົບນ້ຳປະປາ ແລະ ການພັດທະນາອາຄານ ໂຮງງານ ດ້ານທີ່ຢູ່ອາໄສ ແລະ ອື່ນໆ ແມ່ນມີຄວາມຮັບຜິດ ຊອບຂອງລັດຖະບານ ສປ ຈີນ, ແຕ່ບົນພື້ນຖານຄວາມເປັນເອ ກະພາບຕາມແຜນພັດທະນາ ເສດຖະກິດ-ສັງຄົມຂອງນະ ຄອນຫຼວງວຽງຈັນ. ໄລຍະຜ່ານ ມາ ເຂດພັດທະນາກວມລວມ ໄຊເສດຖາ ໄດ້ຮັບອະນຸຍາດ ຈາກນະຄອນຫຼວງວຽງຈັນ, ກໍ່ ສ້າງເສັ້ນທາງຈຳນວນ 2 ເສັ້ນ ທີ່ເຊື່ອມຕໍ່ເຂົ້າຫາເຂດໄດ້ສຳ ເລັດ ແລະ ໄດ້ຮັບອະນຸຍາດກໍ່ ສ້າງທໍ່ສົ່ງນ້ຳປະປາເຊື່ອມຕໍ່ ຈາກດົງໝາກຄາຍເຂົ້າຫາເຂດ ກໍໄດ້ສຳເລັດ. ຄະນະບໍລິຫານເຂດພັດ ທະນາກວມລວມໄຊເສດຖາ ເຫັນວ່າຄວາມຕ້ອງການຊົມ ໃຊ້ໄຟຟ້າ ເພື່ອຮອງຮັບການ ພັດທະນາໃນເຂດຍັງບໍ່ພຽງພໍ. ສະນັ້ນ ຈຶ່ງສົມທົບກັບຂະແໜງ ທີ່ກ່ຽວຂ້ອງນຳສະເໜີຂັ້ນເທິງ ໃນການຈັດຕັ້ງປະຕິບັດໂຄງ ການດັ່ງກ່າວ. ຜ່ານການສຳ ຫຼວດເກັບກຳຂໍ້ມູນເບື້ອງຕົ້ນ ຂອງໂຄງການເຫັນວ່າການຊົມ ໃຊ້ເສົາໄຟຟ້າຮ່ວມກັນລະ ຫວ່າງເຂດອຸດສາຫະກຳວຽງ ຈັນໂນນທອງ (ວີຕາປາກ) ກັບ ຂພຊ ເພາະວ່າມີພື້ນທີ່ຢູ່ໃກ້ ຄຽງກັນ, ແຜນຜັງ ແລະ ແບບ ໂຄງການກໍ່ສ້າງ ຈະໃຊ້ເສົາ ຮ່ວມກັບເຂດວຽງຈັນໂນນທອງ (ວີຕາປາກ) ຈຳນວນ 7 ເສົາ ແລະ ສ້າງໃໝ່ຈຳນວນ 3 ເສົາ, ມີຄວາມຍາວ 3,3 Km ຈຳ ນວນ 1 ວົງຈອນ. ໃນຈຳນວນເສົາທີ່ຈະສ້າງ ໃໝ່ນັ້ນ ແມ່ນຢູ່ນອກເຂດ ຂພຊ ຈຳນວນ 2 ຕົ້ນ ຢູ່ເຂດບ້ານ ສະພັງຄະນົງ ເມືອງໄຊທານີ ແລະ ໄດ້ຮັບການຢັ້ງຢືນດ້ານ ເຕັກນິກຈາກກົມບໍລິຫານພະ ລັງງານ ແລະ ບໍ່ແຮ່ດ້ານມູນ ຄ່າຂອງການກໍ່ສ້າງທັງໝົດໄດ້ ຜ່ານຂັ້ນຕອນຄົ້ນຄວ້າຈາກ ພາກສ່ວນທີ່ກ່ຽວຂ້ອງ ແລະ ຖືກຮັບຮອງຈາກສະພາປະຈຳ ນະຄອນຫຼວງວຽງຈັນ. ທຶນດັ່ງ ກ່າວເປັນຂອງລັດຖະບານ ລາວ ດ້ວຍມູນຄ່າການຊຳລະ ຕາມແຜນງົບປະມານເປັນແຕ່ ລະປີ.

(ຂ່າວ-ພາບ: ພູວຽງຄຳ)

ຄອບຄົວຕົວແບບ