• ກອງປະຊຸມໃຫຍ່ໜ່ວຍພັກ ຄັ້ງທີ VI
  • ນາຍົກລັດຖະມົນຕີ ພົບປະສື່ມວນຊົນ ພາຍ
  • ຄຳສັ່ງວ່າດ້ວຍການເພີ່ມທະວີການປ້ອງກ
  • ອົງຄະນະພັກ ນວ ສະຫຼຸບການຊີ້ນໍາ-ນໍາພາ
  • ເຈົ້າຄອງຊີ້ນຳວຽກງານການປອ້ງກັນສະກັ
  • ເຈົ້າຄອງນະຄອນຫຼວງຢ້ຽມຢາມເຂດເສດຖະກ
ກອງປະຊຸມໃຫຍ່ໜ່ວຍພັກ ຄັ້ງທີ VI

ກອງປະຊຸມໃຫຍ່ໜ່ວຍພັກ ຄັ້ງທີ VI

ກອງປະຊຸມໃຫຍ່ໜ່ວຍພັກ ຄັ້ງທີ VI ສະຫາຍ ຖະ​ໜອມ ທຳ​ທອງ ກຳ​ມະ​ການ​ພັກ​ ເລ​ຂາ​​ພັກ​ເມືອງ ເຈ...
ອົງຄະນະພັກ ນວ ສະຫຼຸບການຊີ້ນໍາ-ນໍາພາວຽກງານຮອບດ້ານ ໃນໄລຍະ 6 ເດືອນຜ່ານມາ

ອົງຄະນະພັກ ນວ ສະຫຼຸບການຊີ້ນໍາ-ນໍາພາວຽກງານຮອບດ້ານ ໃນໄລຍະ 6 ເດືອນຜ່ານມາ

       ກອງປະຊຸມຄົບຄະນະບໍລິຫານງານ ນວ ສະໄໝທີ VII ຄັ້ງທີ 4 ຈັດຂຶ້ນໃນວັນທີ...
ເຈົ້າຄອງຊີ້ນຳວຽກງານການປອ້ງກັນສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ຈຸດຄວາມສ່ຽງເມືອງໄຊເສດຖາ

ເຈົ້າຄອງຊີ້ນຳວຽກງານການປອ້ງກັນສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ຈຸດຄວາມສ່ຽງເມືອງໄຊເສດຖາ

ເຈົ້າຄອງຊີ້ນຳວຽກງານການປອ້ງກັນສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ຈຸດຄວາມສ່ຽງເມືອງໄຊເສດ...
ເຈົ້າຄອງນະຄອນຫຼວງຢ້ຽມຢາມເຂດເສດຖະກິດສະເພາະບຶງທາດຫຼວງ

ເຈົ້າຄອງນະຄອນຫຼວງຢ້ຽມຢາມເຂດເສດຖະກິດສະເພາະບຶງທາດຫຼວງ

ເຈົ້າຄອງນະຄອນຫຼວງຢ້ຽມຢາມເຂດເສດຖະກິດສະເພາະບຶງທາດຫຼວງ      ວັນທີ 27 ມິຖ...
Previous
Next

ຂ່າວໃໝ່

ຊົມເຊີຍ ກອງປະຊຸມໃຫຍ່ ຄັ້ງທີ XI ຂອງພັກ ຢ່າງສຸດອົກສຸດໃຈ!

ຊົມເຊີຍ

ກອງປະຊຸມໃຫຍ່ ຄັ້ງທີ XI ຂອງພັກ ຢ່າງສຸດອົກສຸດໃຈ!

 

         ບົນພື້ນຖານຜົນສຳເລັດໃນການດຳເນີນກອງປະຊຸມໃຫຍ່ 3 ຂັ້ນຂອງພັກ ແລະ ພາຍຫລັງໄດ້ຫ້າງຫາກະກຽມເງື່ອນໄຂ, ຄວາມພ້ອມໃນດ້ານຕ່າງໆມາໃນໄລຍະໜຶ່ງ. ມາຮອດກາງເດືອນມັງກອນທີ່ຜ່ານມາ, ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວ ໄດ້ໄຂຂຶ້ນຢ່າງເປັນທາງການ ແລະ ສະຫງ່າຜ່າເຜີຍ.

          ເພື່ອກະກຽມໃຫ້ແກ່ການດຳເນີນກອງປະຊຸມໃຫຍ່ ຄັ້ງທີ  XI ຂອງພັກເຮົາ, ໃນ 2-3 ປີທີ່ຜ່ານມາ, ຖັນແຖວພະນັກງານ, ສະມາຊິກພັກ, ລັດຖະກອນ, ກຳມະກອນ, ຊາວຜູ້ອອແຮງງານ, ກຳລັງປະກອບອາວຸດ  ແລະ ປວງຊົນລາວທຸກເຜົ່າ, ທຸກຊັ້ນຄົນ, ທຸກສາຂາອາຊີບ ໄດ້ພ້ອມກັນຈັດຕັ້ງຂະບວນການທີ່ກວ້າງຂວາງ, ຟົດຟື້ນຢູ່ໃນທຸກຫົນແຫ່ງ, ທຸກຂົງເຂດວຽກງານ ເພື່ອສ້າງຜົນງານຂໍ່ານັບ ແລະ ປະດັບເອ້ໃຫ້ແກ່ກອງປະຊຸມໃຫຍ່ ຄັ້ງທີ  XI ຂອງພັກ ຊຶ່ງໄດ້ກາຍເປັນການສ້າງເງື່ອນໄຂເຮັດໃຫ້ ປະເທດຊາດຂອງພວກເຮົາສືບຕໍ່ມີສະຖຽນລະພາບທາງດ້ານການເມືອງທີ່ໜັກແໜ້ນ ໝັ້ນຄົງ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ, ການພັດທະນາເສດຖະກິດ-ສັງຄົມ, ເຖິງວ່າໃນມໍ່ໆມານີ້, ໂດຍສະເພາະໄລຍະຜ່າວິກິດການໂຄວິດ-19 ຈະມີລັກສະນະຊະລໍຕົວ, ບໍ່ສາມາດບັນລຸຕາມຄາດໝາຍທີ່ວາງອອກ. ແຕ່ໂດຍພື້ນຖານແລ້ວ, ພວກເຮົາຍັງຮັກສາໄດ້ຄວາມໝັ້ນທ່ຽງ, ໜັກແໜ້ນ, ປາກົດການຫຍໍ້ທໍ້ຕ່າງໆໄດ້ຮັບການແກ້ໄຂດ້ວຍຄວາມຕັ້ງໜ້າ, ຂະບວນການຜະລິດ-ທຸລະກິດ, ການແກ້ໄຂຄວາມທຸກຍາກໄດ້ດຳເນີນໄປດ້ວຍບັນຍາກາດທີ່ຟົດຟື້ນ.         

          ອັັນທີ່ພົ້ນເດັັ່ນ ແມ່ນພວກເຮົາໄດ້ເອົາຂະບວນການກະກຽມຂອງປະຊຸມໃຫຍ່ ຄັ້ງທີ XI ຂອງພັກ ຕິດພັນຢ່າງແໜ້ນແຟ້ນກັບການປັບປຸງປົວແປງໃນທົ່ວພັກ ໂດຍຜ່ານບັ້ນດຳເນີນຊີວິດການເມືອງ ແລະ ການກະກຽມຂອງປະຊຸມໃຫຍ່ 3 ຂັ້ນຂອງພັກ ຢ່າງເລິກເຊິ່ງ ແລະ ທົ່ວເຖິງ.

          ຜ່ານຂະບວນການທີ່ກວ້າງຂວາງ, ຟົດຟື້ນ ແລະ ມີຊີວິດຊີວາໄດ້ເຮັດໃຫ້ພັກເຮົາໄດ້ຮັບການປັບປຸງບູລະນະທາງດ້ານການເມືອງ, ແນວຄິດ, ການຈັດຕັ້ງ ແລະ ແບບແຜນນຳພາຕື່ມອີກບາດກ້າວໜຶ່ງ, ຖັນແຖວພະນັກງານ, ສະມາຊິກພັກເຮົາໄດ້ຮັບການປັບປຸງຍົກລະດັບທາງດ້ານຄວາມຮັບຮູ້, ທັດສະນະຫລັກໝັ້ນຊົນຊັ້ນ ແລະ ປັບປຸງຕົນເອງໃຫ້ມີການຫັນປ່ຽນ ແລະ ກ້າວໜ້າຂຶ້ນກວ່າເກົ່າ.

          ພ້ອມດຽວກັນນີ້, ພວກເຮົາກໍໄດ້ຍູ້ແຮງຂະບວນການເສີມຂະຫຍາຍປະຊາທິປະໄຕຢູ່ພາຍໃນພັກ ແລະ ຢູ່ໃນທົ່ວສັງຄົມ ເຂົ້າໃນການປະກອບຄຳເຫັນຕໍ່ຮ່າງລາຍງານການເມືອງ ແລະ ການທາບທາມບຸກຄະລາກອນທີ່ຈະສະເໜີຕໍ່ກອງປະຊຸມໃຫຍ່ ຄັ້ງທີ XI ຂອງພັກ ຕິດພັນກັບການກະກຽມຈັດຕັ້ງສະເຫລີມສະຫລອງວັນສະຖາປະນາ ສປປ ລາວ ຄົບຮອບ 45 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ວິລະບຸລຸດແຫ່ງຊາດ, ຜູ້ນຳພາສ້າງຕັ້ງພັກປະຊາຊົນລາວຄົບຮອບ 100 ປີ.

ການດຳເນີນກອງປະຊຸມໃຫຍ່ ຄັ້ງທີ XI ຂອງພັກ ໄດ້ໄຂຂຶ້ນໃນບັນຍາກາດແຫ່ງຄວາມເອກອ້າງທະນົງໃຈ ແລະ ເບີກບານມ່ວນຊື່ນຂອງທົ່ວພັກ, ທົ່ວກຳລັງປະກອບອາວຸດ ແລະ ປວງຊົນລາວທັງຊາດ ຕໍ່ຜົນສຳເລັດໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII (2016-2020) ແລະ ເວົ້າລວມ ຕໍ່ຜົນສຳເລັດໃນການດຳເນີນພາລະກິດປົກປັກຮັກສາ ແລະພັດທະນາປະເທດຊາດໃນຕະຫລອດໄລຍະເວລາ 45 ປີທີ່ຜ່ານມາ ທີ່ໄດ້ຮັບໝາກຜົນ ແລະ  ມີບາດກ້າວຂະຫຍາຍຕົວທີ່ຮອບດ້ານ.

        ກອງປະຊຸມໃຫຍ່ ຄັ້ງທີ XI ຂອງພັກ ແມ່ນເຫດການທີ່ສຳຄັນຍິ່ງໃນຊີວິດການເມືອງ ແລະ ສັງຄົມຂອງປະເທດເຮົາ ມີລັກສະນະຄົບຖ້ວນ ແລະ ເປັນພື້ນຖານ. ຍ້ອນວ່າກອງປະຊຸມໃຫຍ່ ແມ່ນອົງການນຳສູງສຸດຂອງພັກ ຊຶ່ງໄດ້ຕົກລົງຮັບຮອງເອົາການວາງແນວທາງ, ແຜນນະໂຍບາຍ ແລະ ທິດທາງວຽກງານໃຫຍ່ສຳລັບການສືບຕໍ່ນຳພາຂອງພັກ. ພ້ອມດຽວກັນນີ້, ກໍໄດ້ດຳເນີນການປັບປຸງກົດລະບຽບຂອງພັກ ແລະ ດຳເນີນການເລືອກຕັ້ງເອົາຄະນະນຳຂອງພັກ ສະໄໝທີ XI; ເນື້ອໃນ, ວຽກງານທີ່ກອງປະຊຸມໃຫຍ່ ຄັ້ງທີ  XI ຂອງພັກ ໄດ້ຕົກລົງຮັບຮອງເອົານັ້ນ ລ້ວນແຕ່ແມ່ນບັນຫາໃຫຍ່ ແລະ ສຳຄັນທີ່ພົົວພັນເຖິງຊາຕາກຳ ແລະ ບາດກ້າວເດີນຂອງປະເທດຊາດພວກເຮົາ. ເພື່ອສືບຕໍ່ນຳພາການພັດທະນາປະເທດຊາດກ້າວຂືຶ້ນສູ່ຄວາມຈະເລີນຮຸ່ງເຮືອງ ຕາມທິດຍືນຍົງສູ່ຈຸດໝາຍສັງຄົມນິຍົມ.

         

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຫນ່ວຍກູ້ໄພ: 1624

 

ຈຳນວນຄົນອອນໄລ໌ທ

ມີ 12  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

127989
ມື້ນີ້ມື້ນີ້128
ມື້ວານນີ້ມື້ວານນີ້140
ອາທິດນີ້ອາທິດນີ້342
ເດືອນນີ້ເດືອນນີ້3586
ທັງໝົດທັງໝົດ127989

ຄອບຄົວຕົວແບບ