• ກອງປະຊຸມໃຫຍ່ໜ່ວຍພັກ ຄັ້ງທີ VI
  • ນາຍົກລັດຖະມົນຕີ ພົບປະສື່ມວນຊົນ ພາຍ
  • ຄຳສັ່ງວ່າດ້ວຍການເພີ່ມທະວີການປ້ອງກ
  • ອົງຄະນະພັກ ນວ ສະຫຼຸບການຊີ້ນໍາ-ນໍາພາ
  • ເຈົ້າຄອງຊີ້ນຳວຽກງານການປອ້ງກັນສະກັ
  • ເຈົ້າຄອງນະຄອນຫຼວງຢ້ຽມຢາມເຂດເສດຖະກ
ກອງປະຊຸມໃຫຍ່ໜ່ວຍພັກ ຄັ້ງທີ VI

ກອງປະຊຸມໃຫຍ່ໜ່ວຍພັກ ຄັ້ງທີ VI

ກອງປະຊຸມໃຫຍ່ໜ່ວຍພັກ ຄັ້ງທີ VI ສະຫາຍ ຖະ​ໜອມ ທຳ​ທອງ ກຳ​ມະ​ການ​ພັກ​ ເລ​ຂາ​​ພັກ​ເມືອງ ເຈ...
ອົງຄະນະພັກ ນວ ສະຫຼຸບການຊີ້ນໍາ-ນໍາພາວຽກງານຮອບດ້ານ ໃນໄລຍະ 6 ເດືອນຜ່ານມາ

ອົງຄະນະພັກ ນວ ສະຫຼຸບການຊີ້ນໍາ-ນໍາພາວຽກງານຮອບດ້ານ ໃນໄລຍະ 6 ເດືອນຜ່ານມາ

       ກອງປະຊຸມຄົບຄະນະບໍລິຫານງານ ນວ ສະໄໝທີ VII ຄັ້ງທີ 4 ຈັດຂຶ້ນໃນວັນທີ...
ເຈົ້າຄອງຊີ້ນຳວຽກງານການປອ້ງກັນສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ຈຸດຄວາມສ່ຽງເມືອງໄຊເສດຖາ

ເຈົ້າຄອງຊີ້ນຳວຽກງານການປອ້ງກັນສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ຈຸດຄວາມສ່ຽງເມືອງໄຊເສດຖາ

ເຈົ້າຄອງຊີ້ນຳວຽກງານການປອ້ງກັນສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ຈຸດຄວາມສ່ຽງເມືອງໄຊເສດ...
ເຈົ້າຄອງນະຄອນຫຼວງຢ້ຽມຢາມເຂດເສດຖະກິດສະເພາະບຶງທາດຫຼວງ

ເຈົ້າຄອງນະຄອນຫຼວງຢ້ຽມຢາມເຂດເສດຖະກິດສະເພາະບຶງທາດຫຼວງ

ເຈົ້າຄອງນະຄອນຫຼວງຢ້ຽມຢາມເຂດເສດຖະກິດສະເພາະບຶງທາດຫຼວງ      ວັນທີ 27 ມິຖ...
Previous
Next

ຂ່າວໃໝ່

ເຈົ້າຄອງ ນວ ຊຸກຍູ້ການພັດທະນາເຂດກວມລວມໄຊເສດຖາ

    ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫລວງວຽງຈັນພ້ອມຄະນະ ໄດ້ເຄື່ອນໄຫວຢ້ຽມຢາມ ແລະ ຊຸກຍູ້ຄວາມຄືບໜ້າເຂດພັດທະນາກວມລວມໄຊເສດຖາ ນະຄອນຫລວງວຽງຈັນ (ນວ) ວັນທີ 9 ກັນຍາ 2021 ຖືກຕ້ອນຮັບຈາກທ່ານ ທະນົງໄຊ ຄຸດໄພທູນ ຫົວໜ້າຄະນະຄຸ້ມຄອງເຂດເສດຖະກິດສະເພາະ ນະຄອນຫລວງວຽງຈັນ ແລະ ທ່ານ ຫຼິວ ຫູ້ ອໍານວຍການບໍລິສັດຮ່ວມທຶນລາວ-ຈີນ ຈໍາກັດ ພ້ອມຄະນະ.

      ທ່ານ ທະນົງໄຊ ຄຸດໄພທູນ ໄດ້ລາຍງານສະພາບການເຄື່ອນໄຫວໂດຍສັງເຂບຂອງເຂດເສດຖະກິດພິເສດ ນວ ໂດຍສະເພາະການຈັດຕັ້ງປະຕິບັດໄລຍະເດືອນມັງກອນ ຫາເດືອນ ສິງຫາ  ເດືອນຕົ້ນປີ 2021 ວ່າ: ພາຍໃນ 8 ເດືອນຜ່ານມາ ສາມາດດຶງດູດການລົງທຶນໄດ້ 12 ບໍລິສັດ ເມື່ອທຽບໃສ່ຕົວເລກຄາດຄະເນປີ 2021 ປະຕິບັດໄດ້ 60% ມູນຄ່າການລົງທຶນຕົວຈິງ 133 ລ້ານກວ່າໂດລາ ປະຕິບັດພັນທະຕາມສັນຍາເຂົ້າງົບປະມານລັດໄດ້ທັງໝົດ 12 ຕື້ກວ່າກີບ ການນໍາເຂົ້າສິນຄ້າປະຕິບັດໄດ້ 161 ລ້ານກວ່າໂດລາ ສ່ວນການສົ່ງອອກມີມູນຄ່າ 3,8ລ້ານກວ່າໂດລາ ສ່ວນໃຫຍ່ເປັນຜະລິດຕະພັນຊີ້ນສ່ວນເອເລັກໂຕຣນິກ ແຜ່ນແພ ເລ່ນແວ່ນຕາ ລົດສະກູດເຕີ ແລະ ອື່ນໆ ພ້ອມນັ້ນສາມາດສ້າງເຮັດງານທໍາໄດ້ 5.656 ຄົນ ໃນນັ້ນແຮງງານລາວ 4.368 ຄົນ ກວມເອົາ 77% ແລະ ແຮງງານຕ່າງປະເທດ 1.309 ຄົນ ກວມເອົາ 23%.

   ທ່ານ ຂຽງຄໍາ ພຸດຈັນທະວົງສາ ຮອງອໍານວຍການບໍລິສັດຮ່ວມທຶນລາວ-ຈີນ ຈໍາກັດ ໄດ້ລາຍງານໃຫ້ຮູ້ວ່າ: ເຂດພັດທະນາກວມລວມໄຊເສດຖາໄດ້ສໍາເລັດການພັດທະນາໄລຍະໜຶ່ງ ເປັນຕົ້ນສໍາເລັດການກໍ່ສ້າງພື້ນຖານໂຄງລ່າງເຊັ່ນ:ຖະໜົນ ນໍ້າປະປາ ໄຟຟ້າ ສື່ສານ ຫ້ອງການພາສີ ແລະ ສິ່ງອໍານວຍຄວາມສະດວກອື່ນໆ ປັດຈຸບັນກຳລັງສຸມໃສ່ກໍ່ສ້າງເຂດການຄ້າການທ່ອງທ່ຽວແລະ ເຂດຕົວເມືອງໃໝ່ນະຄອນຫລວງວຽງຈັນໄລຍະທີສອງ ເພື່ອເປັນການປັບປຸງສິ່ງອໍານວຍງາມສະດວກຂອງໂຄງລ່າງພື້ນຖານເຊິ່ງເຂດດັ່ງກ່າວມີການລົງທຶນໄປແລ້ວ 1,3 ຕື້ໂດລາ ແລະ ມີຫົວໜ່ວຍວິສາຫະກິດທີ່ໄດ້ເຊັນສັນຍາທັງໝົດ 101 ບໍລິສັດ ໃນນີ້ມີ 44 ບໍລິສັດທີ່ໄດ້ເລີ່ມທໍາການຜະລິດແລ້ວ 57 ບໍລິສັດ ກໍາລັງກະກຽມເບື້ອງຕົ້ນ ແລະ ກໍາລັງດໍາເນີນການກໍ່ສ້າງ ທີ່ເປັນນັກລົງທຶນມາຈາກ 7 ປະເທດເຊັ່ນ:ຈີນ ໄທ ຍີ່ປຸ່ນ ສິງກະໂປ ການາດາ ແລະ ອື່ນໆ.

      ໃນໄລຍະການແຜ່ລະບາດພະຍາດໂຄວິດ-19 ເຂດພັດທະນາກວມລວມໄຊເສດຖາໄດ້ປະຕິບັດຕາມແຈ້ງການຂອງລັດຖະບານທີ່ໄດ້ວາງອອກແຕ່ລະໄລຍະຢ່າງເຂັ້ມງວດ ພ້ອມນັ້ນກໍໄດ້ພົບຄວາມຫຍຸ້ງຍາກຫລາຍຢ່າງເຊັ່ນ:ວັດສະດຸການກໍ່ສ້າງຈໍານວນໜຶ່ງທີ່ຮັບໃຊ້ການກໍ່ສ້າງໂຄງການຂອງເຂດທີ່ນໍາເຂົ້າຈາກ ສປ ຈີນ ໄດ້ຮັບຜົນກະທົບຈາກການຂົນສົ່ງສິນຄ້າ ວັດສະດຸບາງສ່ວນຈໍາເປັນຕ້ອງມີການສັ່ງລ່ວງ ໜ້າ ບວກກັບການແຈ້ງກວດປ່ອຍສິນຄ້າຢູ່ດ່ານມີຄວາມຫຍຸ້ງຍາກ ໄດ້ເຮັດໃຫ້ການຈັດຊື້ ແລະ ຂົນສົ່ງນໍາໃຊ້ເວລາຍາວນານ ນັກລົງທຶນທີ່ມີຄົນສົນໃຈມາລົງທຶນ ແລະ ວິສາຫະກິດທີ່ມາເບິ່ງສະຖານທີ່ຕົວຈິງຂອງເຂດໄດ້ຢຸດຊົ່ວຄາວສ້າງຜົນກະທົບຕໍ່ວຽກງານດຶງດູດການລົງທຶນ ໂຄງການທີ່ເຊັນສັນຍາແລ້ວບໍ່ສາມາດລົງມືໄດ້ ເນື່ອງຈາກໄດ້ຮັບຜົນກະທົບໃນການຂໍອະນຸຍາດເອກະສານຕ່າງໆ ພ້ອມນັ້ນຍັງໄດ້ສະເໜີຈໍານວນໜຶ່ງເພື່ອໃຫ້ພາກສ່ວນກ່ຽວຂ້ອງພິຈາລະນາແກ້ໄຂເປັນຕົ້ນ ພາຍໃນເຂດໄດ້ເກີດມີການລັກເຄື່ອງວັດສະດຸກໍ່ສ້າງ ສາຍກາບ ແລະ ອື່ນໆ ເປັນຈໍານວນຫລາຍຄັ້ງ ເຮັດໃຫ້ເກີດມີຄວາມເສຍຫາຍມະຫາສານ ເຊິ່ງເປັນການເພີ່ມຕົ້ນທຶນໃນການກໍ່ສ້າງ ແລະ ມີຜົນກະທົບຕໍ່ການດຶງດູດການລົງທຶນ ສະເໜີໃຫ້ຊີ້ນໍາເພີ່ມຕື່ມກ່ຽວກັບການສ້າງຕັ້ງໜ່ວຍບໍລິການປະຕູດຽວພາຍໃນເຂດ ເພື່ອເຮັດໃຫ້ມີການຈັດຕັ້ງປະຕິບັດເປັນຮູບປະທໍາ ສະເໜີໃຫ້ກະຊວງອຸດສາຫະກໍາ ແລະ ການຄ້າ ອະນຸຍາດໃຫ້ບໍລິສັດທີ່ຂຶ້ນທະບຽນລົງທຶນພາຍໃນເຂດສາມາດເຄື່ອນໄຫວ ແລະ ດໍາເນີນການພົວພັນທຸລະກິດຢູ່ເຂດນອກໄດ້ ໂດຍເສຍພັນທະອາກອນຕາມກົດໝາຍອາກອນທີ່ກ່ຽວຂ້ອງຢ່າງຖືກຕ້ອງ ບໍລິສັດເປໂຕຼເຄມີ ລາວ ຈໍາກັດ ເປັນບໍລິສັດທີ່ລົງທຶນພາຍໃນເຂດເສດຖະກິດພິເສດ ທີ່ຄວນຈະໄດ້ຮັບນະໂຍບາຍສົ່ງເສີມຄືກັບບໍລິສັດອື່ນທີ່ລົງທຶນພາຍໃນເຂດ ແຕ່ເຫັນວ່າການຂໍອະນຸຍາດດໍາເນີນທຸລະກິດຈໍາໜ່າຍນໍ້າມັນເຊື້ອໄຟພາຍໃນປະເທດຍັງບໍ່ທັນໄດ້ຮັບອະນຸຍາດເທື່ອ.

     

     ໂອກາດນີ້ທ່ານ ອາດສະພັງທອງ ສີພັນດອນ ໄດ້ສະແດງຄວາມຍ້ອງຍໍຊົມເຊີຍທີ່ຜູ້ພັດທະນາໄດ້ເອົາໃຈໃສ່ພັດທະນາເຂດກວມລວມໄຊເສດຖາຢ່າງຕໍ່ເນື່ອງ ແລະ ມີຫລາຍອັນເປັນຮູບປະທໍາ ພ້ອມນັ້ນບັນຫາທີ່ທາງເຂດສະເໜີມາໄດ້ໃຫ້ທິດຊີ້ນໍາໃຫ້ຜູ້ພັດທະນາເຂດສົມທົບກັບອົງການປົກຄອງເມືອງ ແລະ ຂະແໜງການກ່ຽວຂ້ອງເພີ່ມທະວີວຽກງານປ້ອງກັນຊາດ-ປ້ອງກັນຄວາມສະຫງົບ ໂດຍສ້າງບ້ານທີ່ຢູ່ອ້ອມຂ້າງເຂດໃຫ້ມີຄວາມເຂັ້ມແຂງ ໃຫ້ເບິ່ງຄືນກົນໄກການຄຸ້ມຄອງແຮງງານ ພ້ອມນັ້ນໃຫ້ປັບປຸງກົນໄກປະຕູດຽວ ໂດຍກໍານົດສິດ ໜ້າທີ່ໃຫ້ຈະແຈ້ງ ແລະ ຊັດເຈນ ພ້ອມນັ້ນພາຍຫຼັງທີ່ໃຫ້ເອົາພະນັກງານພາສີ ສ່ວຍສາອອນ ໄປປະຈໍາຢູ່ໜ່ວຍງານບໍລິການປະຕູດຽວພາຍໃນເຂດ ສ່ວນກົນໄກການນໍາເຂົ້າ-ສົ່ງອອກໃນພາກຕົວຈິງພົບຄວາມຫຍຸ້ງຍາກດ້ານຂອດບໍລິການຊີ້ນໍາໃຫ້ແຕ່ງຕັ້ງພະນັກງານລົງກວດກາຕົວຈິງ ເພື່ອແກ້ໄຂໂດຍໄວ ແລະ ອື່ນໆ ນອກນີ້ຍັງໄດ້ຢ້ຽມຊົມໂຮງງານຂອງບໍລິສັດທຽນໄທລາວ ອຸດສາຫະກໍາ ຈໍາກັດ ໂຄງການເຂດລິເລີ່ມຕົວເມືອງໃໝ່ ຫ້ອງການພາສີພາຍໃນເຂດ ແລະ ຢ້ຽມຊົມໂຮງກັ່ນນໍ້າມັນ ບໍລິສັດເປໂຕຼເຄມີ ລາວ ຈໍາກັດ.

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຫນ່ວຍກູ້ໄພ: 1624

 

ຈຳນວນຄົນອອນໄລ໌ທ

ມີ 13  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

127995
ມື້ນີ້ມື້ນີ້134
ມື້ວານນີ້ມື້ວານນີ້140
ອາທິດນີ້ອາທິດນີ້348
ເດືອນນີ້ເດືອນນີ້3592
ທັງໝົດທັງໝົດ127995

ຄອບຄົວຕົວແບບ