ໃນວັນທີ 08 ກັນຍາ 2022 ນະຄອນຫຼວງວຽງຈັນ ໄດ້ຈັດເຜີຍແຜ່ເຊື່ອມຊຶມມະຕິ ກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 04 ສະໄໝທີ XI ຂຶ້ນຢູ່ທີ່ຫ້ອງປະຊຸມຂອງຫ້ອງວ່າການ ນະຄອນຫຼວງວຽງຈັນ. ໃຫ້ກຽດບັນລະຍາຍໂດຍ ສະຫາຍ ອານຸພາບ ຕຸນາລົມ ເລຂາທິການສູນກາງພັກ, ເລຂາຄະນະພັກ, ປະທານສະພາປະຊ

ລາຍລະອຽດ

ສ້າງຂື້ນເມື່ອ ວັນຈັນ, 12 ກັນຍາ 2022 08:41

ຂຽນໂດຍ Anousone

   ໃນວັນທີ 08 ກັນຍາ 2022 ນະຄອນຫຼວງວຽງຈັນ ໄດ້ຈັດເຜີຍແຜ່ເຊື່ອມຊຶມມະຕິ ກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 04 ສະໄໝທີ XI ຂຶ້ນຢູ່ທີ່ຫ້ອງປະຊຸມຂອງຫ້ອງວ່າການ ນະຄອນຫຼວງວຽງຈັນ. ໃຫ້ກຽດບັນລະຍາຍໂດຍ ສະຫາຍ ອານຸພາບ ຕຸນາລົມ ເລຂາທິການສູນກາງພັກ, ເລຂາຄະນະພັກ, ປະທານສະພາປະຊາຊົນ ນະຄອນຫຼວງວຽງຈັນ. ມີຮອງເລຂາຄະນະພັກ, ກຳມະການປະຈຳພັກ, ກຳມະການພັກ, ຮອງປະທານສະພາປະຊາຊົນ ນະຄອນຫຼວງວຽງຈັນ; ເລຂາ, ຮອງເລຂາພັກເມືອງ, ຮອງເຈົ້າເມືອງ, ກຳມະການປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ ຂອງເມືອງ; ເລຂາ, ຮອງເລຂາ, ຄະນະພັກ, ຄະນະນຳ, ນາຍທະຫານ, ນາຍຕຳຫຼວດ ຂອງກອງບັນຊາການ ປກຊ-ປກສ ນະຄອນຫຼວງວຽງຈັນ; ເລຂາ, ຮອງເລຂາ, ຄະນະພັກ, ຄະນະນຳ ຂອງຄະນະພັກຮາກຖານ ແລະ ໜ່ວຍພັກຮາກຖານ ພະແນກການ-ອົງການທຽບເທົ່າພະແນກ ແລະ ພະນັກງານຫຼັກແຫຼ່ງ ທົ່ວນະຄອນຫຼວງວຽງຈັນ ເຂົ້າຮ່ວມຜ່ານລະບົບທາງໄກ ຈໍານວນ 50 ຈຸດ.

      ເນື້ອໃນຕົ້ນຕໍຂອງມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 4 ສະໄໝທີ XI ທີ່ເຜີຍແຜ່ເຊື່ອມຊຶມ ມີຫົວຂໍ້ດັ່ງນີ້:

1. ການປະເມີນສະພາບແວດລ້ອມຢູ່ພາກພື້ນ ແລະ ສາກົນໃນປັດຈຸບັນ ແລະ ຄາດຄະເນທ່າຂະ ຫຍາຍໃນຕໍ່ໜ້າ.
2. ການຕີລາຄາຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ແລະ ແຜນເງິນຕາ ຕົ້ນປີ 2022 ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ.
3. ການເສີມຂະຫຍາຍທ່າແຮງ, ຄວາມສາມາດບົ່ມຊ້ອນ ໃຫ້ກາຍເປັນຂະແໜງເສດຖະກິດປາຍແຫຼມ.
4. ການຊຸກຍູ້, ສົ່ງເສີມຜູ້ປະກອບການທຸລະກິດ ຂະໜາດນ້ອຍ, ຂະໜາດກາງ ແລະ ຈຸນລະວິສາຫະກິດ ໃຫ້ມີຄວາມເຂັ້ມແຂງ.
5. ການເພີ່ມທະວີການພັດທະນາຊັບພະຍາກອນມະນຸດ ໃຫ້ມີຄຸນນະພາບສູງ.
6. ການປັບປຸງລະບົບການຈັດຕັ້ງ, ກົງຈັກ ແລະ ກົນໄກການເຄື່ອນໄຫວ ຂອງອົງການບໍລິຫານລັດ ຕາມທິດເຂັ້ມແຂງ ແລະ ມີປະສິດທິພາບ.
7. ການຄົ້ນຄວ້າທິດສະດີ ແລະ ສະຫຼຸບພຶດຕິກຳໃຫ້ແກ່ການສ້າງປະຖົມປັດໄຈ ເພື່ອກ້າວຂຶ້ນສູ່ຈຸດ ໝາຍສັງຄົມນິຄົມ.
8. ການກະກຽມດຳເນີນກອງປະຊຸມວຽກງານການເມືອງ-ແນວຄິດ ທົ່ວປະເທດ ຄັ້ງທີ V, ກອງປະ ຊຸມວຽກງານກໍ່ສ້າງຮາກຖານການເມືອງ, ວຽກງານພັດທະນາຊົນນະບົດ, ແກ້ໄຂຄວາມທຸກຍາກ ແລະ ວຽກງານສາມສ້າງ, ກອງປະຊຸມສະຫຼຸບຂະບວນການແຂ່ງຂັນຮັກຊາດ ແລະ ພັດທະນາ.
9. ບັນດາວຽກງານຈຸດສຸມ ຂອງຄະນະບໍລິຫານງານສູນກາງພັກ ຕ້ອງນຳພາ-ຊີ້ນຳ ແຕ່ນີ້ຫາກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 5 ສະໄໝທີ XI.

• < ຕໍ່ໄປ
• ຕໍ່ໄປ >