ພິທີປາຖະກະຖາວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ

ລາຍລະອຽດ

ສ້າງຂື້ນເມື່ອ ວັນຈັນ, 12 ກັນຍາ 2022 08:58

ຂຽນໂດຍ Anousone

     ໃນວັນທີ 9 ກັນຍາ 2022 ນີ້, ນະຄອນຫຼວງວຽງຈັນ ໄດ້ຈັດຕັ້ງພິທີປາຖະກະຖາສະເຫຼີມສະຫຼອງປີສາມັກຄີມິດຕະພາບ ລາວ-ຫວຽດນາມ ວັນເຊັນສົນທິສັນຍາມິດຕະພາບ ແລະ ການຮ່ວມມື ຄົບຮອບ 45 ປີ ແລະ ວັນສ້າງຕັ້ງສາຍພົວພັນການທູດ ລະຫວ່າງ ລາວ-ຫວຽດນາມ

ຄົບຮອບ 60 ປີ ຂຶ້ນຢູ່ທີ່ຫ້ອງປະຊຸມ ຊັ້ນ 4ຂອງຫ້ອງວ່າການ ນະຄອນຫຼວງວຽງຈັນ. ໂດຍໃຫ້ກຽດປາຖະກະຖາຂອງທ່ານ ປອ. ອານຸພາບ ຕຸນາລົມ ເລຂາທິການສູນກາງພັກ, ເລຂາຄະນະພັກ, ປະທານສະພາປະຊາຊົນ ນະຄອນຫຼວງວຽງຈັນ. ມີບັນດາຮອງເລຂາຄະນະພັກ, ທ່ານເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສສ. ຫວຽດນາມ ປະຈຳ ສປປ ລາວ, ກຳມະການປະຈຳພັກ, ກຳມະການພັກ ນະຄອນຫຼວງວຽງຈັນ; ພະນັກງານບຳນານອາວຸໂສ, ປະທານສະມາຄົມຫວຽດນາມ ປະຈຳຢູ່ນະຄອນຫຼວງວຽງຈັນ; ຄະນະພັກ, ຄະນະນຳ, ນາຍທະຫານ, ນາຍຕຳຫຼວດ ແລະ ພະນັກງານຫຼັກແຫຼ່ງ ຂອງກອງບັນຊາການ ປກຊ-ປກສ, ພະແນກການ-ອົງການທຽບເທົ່າພະແນກ ຂັ້ນນະຄອນຫຼວງວຽງຈັນ ແລະ ເມືອງ ເຂົ້າຮ່ວມ.

ໃນພິທີດັ່ງກ່າວນີ້, ຍັງໄດ້ເປັນກຽດຕ້ອນຮັບທ່ານ ພົຈວ ຄໍາຜາຍ ຈັນສີສະໝຸດ ພະນັກງານບຳນານ, ອາດີດຫົວໜ້າການທະຫານທ້ອງຖິ່ນ ຂຶ້ນມາເລົ່າຄວາມຮູ້ສຶກ ແລະ ປະສົບການຕົວຈິງໃນຂະບວນການສູ້ຮົບຮ່ວມກັບທະຫານອາສາສະໝັກຫວຽດນາມ. ພ້ອມດຽວກັນນີ້ທ່ານ ຄຳມຸ່ຍ ແກ້ວມະນີ ປະທານສະມາຄົມຫວຽດນາມ ປະຈຳຢູ່ນະຄອນຫຼວງວຽງຈັນ ຍັງໄດ້ມີຄຳເຫັນສະແດງຄວາມຮູ້ສຶກຕໍ່ປີສາມັກຄີມິດຕະພາບ ລາວ-ຫວຽດນາມ ໃນພິທີຄັ້ງນີ້.

• < ຕໍ່ໄປ
• ຕໍ່ໄປ >