ປາຖະກະຖາ ວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນ ຄົບຮອບ 62 ປີ

ລາຍລະອຽດ

ສ້າງຂື້ນເມື່ອ ວັນພຸດ, 29 ມີນາ 2023 07:38

ຂຽນໂດຍ ຄອຂ ນະຄອນຫຼວງ

 ປາຖະກະຖາ ວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນ  ຄົບຮອບ 62 ປີ

         ໃນຕອນເຊົ້າຂອງວັນທີ 29 ມີນາ 2023. ກອງບັນຊາການກຳລັງປ້ອງກັນຄວາມສະຫງົບປະຊາຊົນ ເມືອງຈັນທະບູລີ ມີພິທີປາຖະກະຖາ ວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນ 05 ເມສາ ຄົບຮອບ 62 ປີ. ໃຫ້ກຽດປາຖະກະຖາໂດຍແມ່ນ: ສະຫາຍ ດວງຕາ ສຸລິວົງ ກຳມະການພັກນະຄອນຫຼວງວຽງຈັນ, ເລຂາພັກເມືອງ-ເຈົ້າເມືອງຈັນທະບູລີ ໄດ້ຍົກໃຫ້ເຫັນການກຳເນີດ ແລະ ການເຕີບໃຫຍ່ຂະຫຍາຍຕົວຂອງກຳລັງປ້ອງກັນຄວາມສະຫງົບປະຊາຊົນ ທີ່ສະແດງໃຫ້ເຫັນການຕໍ່ສູ້ຂອງບັນດາບັນພະບູລຸດລາວແຕ່ລະຍຸກແຕ່ລະສະໄໝ, ຈົນເຖີງການຕໍ່ສູ້ທີ່ມີພັກນຳພາປີຊາສາມາດ ແລະ ສະຫຼາດສ່ອງໃສ ສາມາດປົດປ່ອຍປະເທດຊາດໄດ້ ແລະ ຜົນງານທີ່ພົ້ນເດັ່ນຕ່າງໆ ພ້ອມທັງຍົກໃຫ້ເຫັນທາດແທ້ ແລະ ມູນເຊື້ອອັນສະຫງ່າງາມຂອງກຳລັງປ້ອງກັນຄວາມສະຫງົບປະຊາຊົນ, ດັ່ງຄຳຂວັນທີ່ວ່າ: "ເສີມຂະຫຍາຍມູນເຊື້ອ, ທາດແທ້ປະຕິວັດ ຂອງກຳລັງປ້ອງກັນຄວາມສະຫງົບປະຊາຊົນ ຢ່າງສຸດໃຈ". ໃນນີ້ມີບັນດາກຳມະການປະຈຳພັກເມືອງ, ກຳມະການພັກເມືອງ, ກຳລັງ ປກຊ-ປກສ, ຫົວໜ້າ-ຮອງຫ້ອງການ, ເລຂາພັກບ້ານ-ນາຍບ້ານເຂົ້າຮ່ວມຮັບຟັງ. ມີຈຳນວນທັງໝົດ 136  ສະຫາຍ, ຍິງ 22 ສະຫາຍ. ພາຍຫຼັງສຳເລັດການປາຖະກະຖາ ຄະນະກຳລັງປ້ອງກັນຄວາມສະຫງົບປະຊາຊົນໄດ້ຂື້ນມອບກະຕ່າຂອງຂວັນໃຫ້ ສະຫາຍ ດວງຕາ ສຸລິວົງ ກຳມະການພັກນະຄອນຫຼວງວຽງ ຈັນ, ເລຂາພັກເມືອງ-ເຈົ້າເມືອງຈັນທະບູລີ.

• < ຕໍ່ໄປ
• ຕໍ່ໄປ >