ປາຖະກະຖາວັນສໍາຄັນຂອງພັກ, ຂອງຊາດ

ລາຍລະອຽດ

ສ້າງຂື້ນເມື່ອ ວັນພະຫັດ, 23 ມີນາ 2023 05:22

ຂຽນໂດຍ ຄອຂ ນະຄອນຫຼວງ

ປາຖະກະຖາວັນສໍາຄັນຂອງພັກ, ຂອງຊາດ

        ໃນວັນທີ 22 ມີນາ 2023 ຄະນະພັກ, ອົງການປົກຄອງເມືອງສີໂຄດຕະບອງ ໄດ້ຈັດພິທີປາຖະ ກະຖາເລົ່າມູນເຊື້ອວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 68 ປີ; ວັນຜູ້ເສຍອົງຄະ ແລະ ເສຍສະຫລະຊີວິດເພື່ອປະເທດຊາດ ຄົບຮອບ 77 ປີ ໂດຍການໃຫ້ກຽດປາຖະກະຖາຂອງທ່ານ ​ເຂັມ​ເພັດ ​ແພງດວງຈັນ ພະນັກງານບຳນານ. ພິທີດັ່ງກ່າວໄດ້ຈັດຂຶ້ນຢູ່ທີ່ສະໂມສອນໃຫຍ່ສໍານັກງານປົກຄອງເມືອງສີໂຄດຕະບອງ ໂດຍມີສະຫາຍເລຂາພັກເມືອງ-ເຈົ້າເມືອງ,​ ກໍາມະການປະຈໍາພັກ,​ ກໍາມະການພັກ, ກອງບັນຊາການທະຫານ, ກອງບັນຊາການປ້ອງກັນຄວາມສະຫງົບ, ​ຫົວໜ້າຫ້ອງການ,​ ເລຂາໜ່ວຍພັກ, ສະມາຊິກພັກ-ພະນັກງານຫລັກແຫລ່ງ, ເລຂາພັກໂຮງຮຽນ ແລະ ເລຂາພັກບ້ານເຂົ້າຮ່ວມ.

       ທັງນີ້ກໍເພື່ອເປັນການຫວນຄືນມູນເຊື້ອ, ທັງເປັນການສຶກສາອົບຮົມການເມືອງ-ແນວຄິດ ໃຫ້ສະມາ ຊິກພັກ-ພະນັກງານຫລັກແຫລ່ງ ໄດ້ຮັບຮູ້ມູນເຊື້ອການຕໍ່ສູ້ກູ້ຊາດ ຕ້ານກັບພວກຮຸກຮານ ພ້ອມທັງເອົາການສະເຫລີມສະຫລອງວັນສໍາຄັນດັ່ງກ່າວຕິດພັນກັບການຍູ້ແຮງຂະບວນການຮອບດ້ານ ເພື່ອຈັດຕັ້ງປະຕິ ບັດມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ແຜນພັດທະນາເສດຖະກິດ-ສັງຄົມ ແຫ່ງລັດ 5 ປີ ຄັ້ງທີ IX ໃຫ້ສໍາເລັດຕາມຄາດໝາຍທີ່ວາງໄວ້ ແລະ ເປັນການປຸກລະດົມ ໃຫ້ທົ່ວສັງຄົມມີສ່ວນຮ່ວມໃນການແກ້ໄຂບັນຫາປະກົດການຫຍໍ້ທໍ້ໃນສັງຄົມ ຄຽງຄູ່ກັບການຍົກສູງ.