ເຈົ້າຄອງນະຄອນຫຼວງ ເຄື່ອນໄຫວເຮັດວຽກຢູ່ເມືອງນາຊາຍທອງ

ລາຍລະອຽດ

ສ້າງຂື້ນເມື່ອ ວັນຈັນ, 05 ກໍລະກົດ 2021 02:35

ຂຽນໂດຍ Anousone

                   ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ພ້ອມດ້ວຍພະແນກການກ່ຽວຂ້ອງ ແລະ 3 ອົງການຈັດຕັ້ງມະຫາຊົນ ໄດ້ລົງເຄື່ອນໄຫວເຮັດວຽກຊຸກຍູ້ວຽກງານການພັດທະນາຢູ່ເມືອງນາຊາຍທອງ ນະຄອນຫຼວງວຽງຈັນ ວັນທີ 3 ກໍລະກົດ 2021 ໂດຍການນໍາພາຂອງທ່ານ ວຽງຄໍາ ສີຫາໂຄດ ເຈົ້າເມືອງນາຊາຍທອງ ພ້ອມດ້ວຍຫ້ອງການກ່ຽວຂ້ອງ.

          ການລົງເຄື່ອນໄຫວຄັ້ງນີ້ ທ່ານ ເຈົ້າຄອງ ພ້ອມຄະນະ ໄດ້ລົງກວດກາເບິ່ງຈຸດທີ່ປະຊາຊົນໄດ້ຮັບຜົນກະທົບຈາກການກໍ່ສ້າງເສັ້ນທາງເລກທີ 13 ເໜືອ ໂຄງການກໍ່ສ້າງທາງດ່ວນ ແລະ ທາງລົດໄຟລາວ-ຈີນ ບາງຈຸດ ຄື: ການກໍ່ສ້າງເສັ້ນທາງເລກທີ 13 ເໜືອ ເຂດບ້ານຫົວຊ້າງ ການກໍ່ສ້າງເສັ້ນທາງເລກທີ 13 ເໜືອ ເຂດບ້ານຫົວຂົວ ຢູ່ຈຸດເຂດຮ້ານອາຫານນາຊຸມ ກິໂລແມັດທີ 8+940D ແລະ ຈຸດເຂດຫ້ວຍຊອນ-ຫ້ວຍຊົ້ວ ບ້ານຫົວຂົວ ຮ່ອງນໍ້າແຄມທາງເລກທີ 13 ເໜືອ ພ້ອມນັ້ນ ຍັງໄດ້ເຄື່ອນໄຫວກວດກາເບິ່ງຈຸດເຂດນໍ້າມັກອັ່ງຖ້ວມຂັງ ເຂດທາງດ່ວນ ເຂດທາງນາຍາງ ອຸໂມງທາງດ່ວນຢູ່ທາງວັດພະບາດ ບ້ານນາຂ່າ ແລະ ດິນຂອງປະຊາຊົນທີ່ບໍ່ມີທາງເຂົ້າ ທີ່ປະຊາຊົນໄດ້ສະເໜີຕໍ່ສະພາປະຊາຊົນບ້ານນາຂ່າ ນອກນີ້ ຍັງໄດ້ເຄື່ອນໄຫວພົບປະກັບອໍານາດການປົກຄອງບ້ານ ແລະ ພໍ່ແມ່ປະຊາຊົນບ້ານນໍ້າຫຸມ ແລະ ລົງກວດກາສະຖານທີ່ມີການບຸກລຸກປ່າສະຫງວນແຫ່ງຊາດ ພູພະນັງ ເຂດນໍ້າຜ່າ ເມືອງນາຊາຍທອງ ຕື່ມອີກ.

ພິທີມອບ-ຮັບໜ້າທີ່ເລຂາຄະນະບໍລິຫານງານພັກນະຄອນຫຼວງວຽງຈັນຜູ້ເກົ່າ-ຜູ້ໃໝ່

ລາຍລະອຽດ

ສ້າງຂື້ນເມື່ອ ວັນພຸດ, 17 ມີນາ 2021 06:52

ຂຽນໂດຍ Anousone

ພິທີມອບ-ຮັບໜ້າທີ່ເລຂາຄະນະບໍລິຫານງານພັກນະຄອນຫຼວງວຽງຈັນຜູ້ເກົ່າ-ຜູ້ໃໝ່

          ພິທີມອບ-ຮັບໜ້າທີ່ເລຂາຄະນະບໍລິຫານງານພັກນະຄອນຫຼວງວຽງຈັນ (ນວ) ຈັດຂຶ້ນວັນທີ່ 16 ມີນາ 2021 ທີ່ຫ້ອງວ່າການປົກຄອງນວ ລະ​ຫວ່າງສະຫາຍ ສິນລະວົງ ຄຸດໄພທູນ ເລຂາຄະນະບໍລິຫານງານພັກ ນວ ​ຜູ້​ເກົ່າ​ ກັບ ສະຫາຍ ອານຸພາບ ຕຸນາລົມ ເລຂາຄະນະບໍລິຫານງານພັກນວ ຜູ້​ໃໝ່​ ໂດຍເປັນກຽດເຂົ້າຮ່ວມຂອງສະຫາຍ ບຸນທອງ ຈິດມະນີ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ພ້ອມດ້ວຍເລຂາ, ຮອງເລຂາຄະນະບໍລິຫານງານ ນວ ແລະຂະແໜງການກ່ຽວຂ້ອງເຂົ້າຮ່ວມ.

          ໃນພິທີສະຫາຍນາງ ບຸດສະດີ ທະນະເມືອງ ກຳມະການສູນກາງພັກ ຕາງໜ້າຄະນະຈັດຕັ້ງສູນກາງພັກໄດ້ຜ່ານຄຳສັ່ງ ແລະມະຕິຕົກລົງຂອງກົມການເມືອງສູນກາງພັກວ່າດ້ວຍແຕ່ງຕັ້ງເລຂາຄະນະບໍລິຫານ​ງານພັກ ນວ ອີງຕາມມະຕິຕົກລົງຂອງກົມການເມືອງສູນກາງພັກວ່າດ້ວຍວຽກງານການຄຸ້ມຄອງວຽກງານ ອີງຕາມການຕົກລົງໃນກອງປະຊຸມກົມການເມືອງສູນກາງພັກ ແລະຄະນະເລຂາທິການສູນກາງພັກ ຄັ້ງວັນທີ 24-25 ກຸມພາ 2021 ອີງຕາມການເຫັນດີຮັບຮອງໃນກອງປະຊຸມຄົບຄະນະບໍລິຫານງານສູນກາງພັກຄັ້ງທີ 2 ສະໄໝທີ XI ອີງຕາມໜັງສືສະເໜີຂອງຄະນະຈັດຕັ້ງສູນກາງພັກ ດັ່ງນັ້ນ ກົມການເມືອງສູນກາງພັກອອກຄຳສັ່ງຍົກຍ້າຍສະຫາຍ ສິນລະວົງ ຄຸດໄພທູນ ກຳມະການກົມການເມືອງ ສູນກາງພັກ ເລຂາຄະນະບໍລິຫານງານພັກ ນວ ໄປຮັບໜ້າທີ່ໃໝ່ຢູ່ສູນກາງແນວລາວສ້າງຊາດ.

          ນອກຈາກນີ້ກໍໄດ້ຜ່ານມະຕິຕົກລົງວ່າດ້ວຍການແຕ່ງຕັ້ງເລຂາຄະນະບໍລິຫານງານ ນວ ຜູ້ໃໝ່ ອີງຕາມມະຕິຕົກລົງຂອງກົມການເມືອງສູນກາງພັກວ່າດ້ວຍການແຕ່ງຕັ້ງເລຂາຄະນະບໍລິຫານງານພັກ ນວ ອີງຕາມມະຕິຕົກລົງຂອງກົມການເມືອງສູນກາງພັກວ່າດ້ວຍວຽກງານຄຸ້ມຄອງພະນັກງານ ອີງຕາມຂໍ້ຕົກລົງໃນກອງປະຊຸມກົມການເມືອງສູນກາງພັກ ແລະຄະນະບໍລິຫານງານສູນກາງພັກ ຄັ້ງວັນທີ 24-25 ກຸມພາ 2021 ອີງຕາມການເຫັນດີຮັບຮອງໃນກອງປະຊຸມຄົບຄະນະບໍລິຫານງານສູນກາງພັກຄັ້ງທີ 2 ສະໄໝທີ XI ອີງຕາມໜັງສືສະເໜີຂອງຄະນະຈັດ​ຕັ້ງສູນກາງພັກ, ກົມການເມືອງສູນກາງພັກຕົກລົງແຕ່ງຕັ້ງສະຫາຍ ອານຸພາບ ຕຸນາລົມ ເລຂາທິການສູນກາງພັກ ເປັນເລຂາຄະນະບໍລິຫານງານພັກ ນວ.

ອົງຄະນະພັກ ນວ ສະຫຼຸບການຊີ້ນໍາ-ນໍາພາວຽກງານຮອບດ້ານ ໃນໄລຍະ 6 ເດືອນຜ່ານມາ

ລາຍລະອຽດ

ສ້າງຂື້ນເມື່ອ ວັນສຸກ, 02 ກໍລະກົດ 2021 04:07

ຂຽນໂດຍ Anousone

       ກອງປະຊຸມຄົບຄະນະບໍລິຫານງານ ນວ ສະໄໝທີ VII ຄັ້ງທີ 4 ຈັດຂຶ້ນໃນວັນທີ 01-02 ກໍລະກົດ 2021 ທີ່ຫ້ອງວ່າການປົກຄອງ ນວ ເປັນປະທານຂອງສະຫາຍ ປອ. ອານຸພາບ ນຸນາລົມ ຄະນະເລຂາທິການສູນກາງພັກ, ເລຂາຄະນະພັກ, ປະທານສະພາປະຊາຊົນ ນວ ມີສະຫາຍ ປອ. ອາດສະພັງທອງ ສີພັນດອນ ກຳມະການສູນກາງພັກ, ຮອງເລຂາຄະນະພັກ, ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະປະຈໍາພັກ, ຄະນະນໍາ 9 ເມືອງ ແລະ ພະ ແນກການ-ອົງການທຽບເທົ່າອ້ອມຂ້າງ ນວ ເຂົ້າຮ່ວມ.

ອ່ານເພີ່ມເຕີມ...

ເຈົ້າຄອງນະຄອນຫຼວງຢ້ຽມຢາມເຂດເສດຖະກິດສະເພາະບຶງທາດຫຼວງ

ລາຍລະອຽດ

ສ້າງຂື້ນເມື່ອ ວັນຈັນ, 28 ມີຖຸນາ 2021 06:57

ຂຽນໂດຍ ຄອຂ ນະຄອນຫຼວງ

ເຈົ້າຄອງນະຄອນຫຼວງຢ້ຽມຢາມເຂດເສດຖະກິດສະເພາະບຶງທາດຫຼວງ

     ວັນທີ 27 ມິຖຸນາ 2021 ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ພ້ອມດ້ວຍພະແນກການກ່ຽວຂ້ອງເຄື່ອນໄຫວຢ້ຽມຢາມ ແລະ ຊຸກຍູ້ການພັດທະນາເຂດເສດຖະກິດສະເພາະບຶງທາດຫຼວງ ຢູ່ໂຮງແຮມໂປລີ ເຊິ່ງການຢ້ຽມຢາມຄັ້ງນີ້ທ່ານ ທະນົງໄຊ ຄຸດໄພທູນ ຫົວໜ້າຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ໄດ້ລາຍງານລາຍງານໂດຍສັງເຂບກ່ຽວກັບ ສະພາບການພັດທະນາ ແລະ ຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ  ໂດຍໃນໄລຍະ 6 ເດືອນຕົ້ນປີ 2021 ສາມາດດຶງດູດການລົງທຶນໄດ້ພຽງ 5 ບໍລິສັດ ເມື່ອທຽບໃສ່ຕົວເລກຄາດຄະເນປີ 2021 ປະຕິບັດໄດ້ 25%.

ອ່ານເພີ່ມເຕີມ...

ເຈົ້າຄອງຊຸກຍູ້ຄົ້ນຄວ້າການສ້າງຕັ້ງເມືອງໃໝ່

ລາຍລະອຽດ

ສ້າງຂື້ນເມື່ອ ວັນຈັນ, 28 ມີຖຸນາ 2021 01:49

ຂຽນໂດຍ ຄອຂ ນະຄອນຫຼວງ

ເຈົ້າຄອງຊຸກຍູ້ຄົ້ນຄວ້າການສ້າງຕັ້ງເມືອງໃໝ່

     ວັນທີ 26 ມິຖຸນາ 2021 ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນພ້ອມຄະນະ ໄດ້ເຄື່ອນໄຫວຢ້ຽມຢາມ ແລະ ຊຸກຍູ້ການສ້າງຕັ້ງເມືອງໃໝ່ເຊິ່ງເປັນເມືອງທີ 10 ຂອງ ນະຄອນຫຼວງວຽງຈັນ ຢູ່ ມສ ພວງໄຊ ບ້ານນາໂງມໃໝ່ ເມືອງໄຊທານີ ຖືກຕ້ອນຮັບຈາກທ່ານ ພົນຈັດຕະວາ ສີພອນ ຈັນສົມວົງ ຫົວໜ້າກອງບັນຊາການທະຫານ ນະຄອນຫຼວງວຽງຈັນ ຜູ້ຊີ້ນໍາວຽກງານຄະນະຮັບຜິດຊອບຄົ້ນຄວ້າສ້າງຕັ້ງເມືອງໃໝ່ ມີຄະ ນະຮັບຜິດຊອບຄບັນດາພະແນກການ ແລະ ນາຍບ້ານທັງ 24 ບ້ານທີ່ກວມຂອບເຂດພື້ນທີ່ເມືອງໃໝ່ເຂົ້າຮ່ວມ.

ອ່ານເພີ່ມເຕີມ...