• ນະຄອນຫຼວງວຽງຈັນ ກຽມພ້ອມສອບເສັງຈົບຊ
  • ມອບ-ຮັບ ເສັ້ນທາງຮັ້່ອມ 13 ບ້ານສີສະຫວາ
  • ເພີ່ມທະວີການຮ່ວມມືວຽກງານພັດທະນາເສ
  • ຜົນສໍາເລັດການຝຶກອົບຮົມການຄຸ້ມຄອງເ
  • ເລັ່ງຈັດສັນຄວາມບໍ່ເປັນລະບຽບຮຽບຮ້ອ
ນະຄອນຫຼວງວຽງຈັນ ກຽມພ້ອມສອບເສັງຈົບຊັ້ນ ມ4 ແລະ ມ7

ນະຄອນຫຼວງວຽງຈັນ ກຽມພ້ອມສອບເສັງຈົບຊັ້ນ ມ4 ແລະ ມ7

        ພິທີຖະແຫຼງຂ່າວໄຂການສອບເສັງ ຈົບຊັ້ນມັດທະຍົມສຶກສາ ຕອນຕົ້ນ (ມ...
ມອບ-ຮັບ ເສັ້ນທາງຮັ້່ອມ 13 ບ້ານສີສະຫວາດ

ມອບ-ຮັບ ເສັ້ນທາງຮັ້່ອມ 13 ບ້ານສີສະຫວາດ

      ພິທີມອບ-ຮັບເສັ້ນທາງ ເບຕົງເສີມເຫຼັກຮ່ອມ 13, ບ້ານ ສີສະຫວາດ, ເມືອງຈັນທະບູ...
ເພີ່ມທະວີການຮ່ວມມືວຽກງານພັດທະນາເສດຖະກິດ-ສັງຄົມ

ເພີ່ມທະວີການຮ່ວມມືວຽກງານພັດທະນາເສດຖະກິດ-ສັງຄົມ

ເພີ່ມ​ທະວີ​ການ​ຮ່ວມ​ມື​ວຽກ​ງານ​ພັດທະນາ​ເສດຖະກິດ-ສັງຄົມ     ວັນ​ທີ 1 ມີນາ 2...
ຜົນສໍາເລັດການຝຶກອົບຮົມການຄຸ້ມຄອງເວບໄຊສ...

ຜົນສໍາເລັດການຝຶກອົບຮົມການຄຸ້ມຄອງເວບໄຊສ...

      ຜົນສໍາເລັດການຝຶກອົບຮົມການນໍາໃຊ້, ຈັດການຂໍ້ມູນ ແລະ ຄຸ້ມຄອງເວບໄຊສ ຂອງຄະ...
ເລັ່ງຈັດສັນຄວາມບໍ່ເປັນລະບຽບຮຽບຮ້ອຍໃນຕົວເມືອງ ແລະ ຊານເມືອງ ນວ

ເລັ່ງຈັດສັນຄວາມບໍ່ເປັນລະບຽບຮຽບຮ້ອຍໃນຕົວເມືອງ ແລະ ຊານເມືອງ ນວ

ເລັ່ງ​ຈັດ​ສັນ​ຄວາມ​ບໍ່​ເປັນ​ລະບຽບ​ຮຽບ​ຮ້ອຍ​ໃນ​ຕົວ​ເມືອງ ແລະ ຊານເມືອງ ນວ.   &nbs...

ເຈົ້າຄອງຊີ້ນຳວຽກງານການປອ້ງກັນສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ຈຸດຄວາມສ່ຽງເມືອງໄຊເສດຖາ

ເຈົ້າຄອງຊີ້ນຳວຽກງານການປອ້ງກັນສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ຈຸດຄວາມສ່ຽງເມືອງໄຊເສດຖາ

          ທ່ານ ປອ. ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ພ້ອມດ້ວຍທ່ານ ປອ. ຊົງເລົ່າ ຢົງນູ ຄະນະປະຈໍາພັກ, ຫົວໜ້າຄະນະໂຄສະນາອົບຮົມ ນະຄອນຫຼວງວຽງຈັນ ຜູ້ຊີ້ນໍາເມືອງໄຊເສດຖາແລະ ບັນດາພະແນກການທີ່ກຽ່ວຂ້ອງຈາກນະຄອນຫຼວງວຽງຈັນ ໄດ້ລົງຊີ້ນຳວຽກງານການປ້ອງກັນ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ຈຸດຄວາມສ່ຽງທີ່ພົວພັນກັບຜູ້ຕິດເຊື້ອພະຍາດໂຄວິດ-19 ຢູ່ເມືອງໄຊເສດຖາ ນະຄອນຫຼວງວຽງຈັນ ວັນທີ 24 ພຶດສະພາ 2021 ໂດຍການນໍາພາຂອງທ່ານ ຄໍາມາ ແສງມີໄຊ ເຈົ້າເມືອງໄຊເສດຖາ ພ້ອມຄະນະ.

          ການລົງເຄື່ອນໄຫວຄັ້ງນີ້ໄດ້ລົງເຄື່ອນໄຫວຊີ້ນໍາບ້ານໂນນຄໍ້ ຢູ່ຕະຫຼາດໂນນຄໍ້ ເຊິ່ງໄດ້ຮັບຟັງການລາຍງານສະພາບລວມການຈັດຕັ້ງປະຕິບັດວຽກງານປ້ອງກັນ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຈາກທ່ານ ໄພສະຫວັນ ພົນໄຊຍະວົງ ນາຍບ້ານໂນນຄໍ້ ຈາກນັ້ນໄດ້ຮັບຟັງການຟັງການລາຍງານສະພາບການຈັດຕັ້ງປະຕິບັດວຽກງານກໍຄືການຄ້າຂາຍຢູ່ພາຍໃນຕະຫຼາດຈາກທ່ານນາງ ແສງແກ້ວ ວົງພະຈັນ ອຳນວຍການຕະຫຼາດໂນນຄໍ້ວ່າ: ໃນໄລຍະທີ່ມີການແຜ່ລະບາດເຊື້ອພະຍາດໂຄວິດ-19 ຮອບໃໝ່ ຕະຫຼາດໂນນຄໍ້ ໄດ້ເປີດໃຫ້ບໍລິການປົກກະຕິ ແລະ ສິນຄ້າອຸປະໂພກ-ບໍລິໂພກ ສາມາດຕອບສະໜອງພຽງພໍຕໍ່ຄວາມຕ້ອງການ ຂອງຜູ້ບໍລິໂພກພາຍໃນ ນະຄອນຫຼວງວຽງຈັນ ພ້ອມນັ້ນ ຍັງໄດ້ປະຕິບັດຄໍາສັ່ງ ຄໍາແນະນໍາ ແລະ ປະຕິບັດມາດຕະການປ້ອງກັນຕາມຂັ້ນເທິງຢ່າງເຂັ້ມງວດ ທາງເຂົ້າຕະຫຼາດ ມີຈຸດກວດຄັດຕອງ ເປັນຕົ້ນ ວັດແທກອຸນຫະພູມ ລ້າງມືດ້ວຍເຫຼົ້າ 90 ຫຼື ເຈວລ້າງມືຂ້າເຊື້ອ ຈາກນັ້ນຕາມຈຸດຕ່າງໆໃນຕະຫຼາດໄດ້ມີໂຕະວາງເຈວລ້າງມືຢູ່ແຕ່ລະທາງເຂົ້າ-ອອກ ນອກນີ້ຍັງໄດ້ໂຄສະນາກ່ຽວກັບມາດຕະການປ້ອງກັນຕົນເອງຜ່ານໂທລະໂຄ່ງ ເພື່ອໃຫ້ຊາວຄ້າຂາຍ ແລະ ຜູ້ມາໃຊ້ບໍລິການຕະຫຼາດມີສະຕິຕື່ນຕົວໃນການປະຕິບັດມາດຕະການຕ່າງໆ ແລະ ນັບແຕ່ມີການລະບາດເຊື້ອພະຍາດໂຄວິດ-19 ສິ່ງສໍາຄັນແມ່ນທາງຕະຫຼາດແມ່ນໄດ້ຈັດໂຕະວາງຂາຍສິນຄ້າມີໄລຍະຫ່າງ ແລະ ຜູ້ຄ້າຂາຍເຄື່ອງພາຍໃນຕະຫຼາດແມ່ນໄດ້ຮັບການສັກຢາປ້ອງກັນພະຍາດໂຄວິດ-19 ກວມເຖິງ 90% ແລະ ເພື່ອປະຕິຄໍາສັ່ງ ຄໍາແນະນໍາ ແລະ ປະຕິບັດມາດຕະການປ້ອງກັນຕາມຂັ້ນເທິງຢ່າງເຂັ້ມງວດໃນການປ້ອງກັນການລະບາດຂອງພະຍາດໂຄວິດ-19 ພາຍໃນຕະຫຼາດ ທາງຈັດສັນຕະຫຼາດໂນນຄໍ້ໄດ້ມີມາດຕະການໃນການອະນາໄມພາຍໃນຕະຫຼາດໃນແຕ່ລະມື້ພາຍຫຼັງໄດ້ມີການປິດການຂາຍເຄື່ອງໃນຕອນແລງຂອງທຸກໆມື້ ເພື່ອທໍາຄວາມສະອາດໃນບໍລິເວນອ້ອມຮອບຕະຫຼາດໂດຍສະເພາະແມ່ນການສິດຢາຂ້າເຊື້ອ ພິເສດ ເພື່ອຮັບປະກັນໃຫ້ຕະຫຼາດປອດຈາກເຊື້ອພະຍາດໂຄວິດ-19.

       ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ໄດ້ໃຫ້ທິດຊີ້ນໍາແກ່ອໍານາດການປົກຄອງບ້ານເອົາໃຈໃສ່ປະຕິບັດມາດຕະການປ້ອງກັນ ຕັ້ງຈຸດກວດ ແລະ ໜ່ວຍລາດຕະເວນລວມໄປເຖິງການໂຄສະນາປະຊາສໍາພັນໂດຍຜ່ານໂທລະໂຄ່ງບ້ານ ສ່ວນຕະຫຼາດໂນນຄໍ້ ຊີ້ນໍາໃຫ້ຄະນະຮັບຜິດຊອບຕະຫຼາດຈົ່ງເອົາໃຈໃສ່ເພີ່ມທະວີການປ້ອງກັນ ກັ້ນການແຜ່ລະບາດຂອງພະຍາດໂຄວິດ-19 ຢ່າງເຂັ້ມງວດ ປະຕິບັດຕາມມາດຕະການທີ່ທາງຂັ້ນເທິງວາງອອກ ໂດຍສະເພາະແມ່ນບັນດາຊາວຄ້າຂາຍກໍຄືຜູ້ມາໃຊ້ບໍລິການພາຍໃນຕະຫຼາດໂນນຄໍ້ ຈົ່ງເພີ່ມທະວີມາດຕະການປ້ອງກັນຕົນເອງຈາກພະຍາດໂຄວິດ-19 ໃສ່ຜ້າອັດ ປາກ-ອັດດັງ ໝັ່ນລ້າງມືດ້ວຍເຫຼົ້າ 90 ຫຼື ເຈວລ້າງມືຂ້າເຊື້ອ ກ່ອນເຂົ້າມາໃນຕະຫຼາດ ແລະ ໃຫ້ປະຕິບັດມາດຕະການອື່ນໆທີ່ຂັ້ນເທິງວາງອອກຢ່າງເຄັ່ງຄັດ ເພື່ອພອ້ມກັນສະກັດກັ້ນການແຜ່ລະບາດຂອງພະຍາດໂຄວິດ-19ໃຫ້ອອກໝົດໄປຈາກປະ ເທດເຮົາ.

     ໃນວັນດຽວກັນທ່ານເຈົ້າຄອງນະຄອນຫຼວງວຽງຈັນ ພ້ອມຄະນະຍັງໄດ້ສຶບຕໍ່ເຄື່ອນໄຫວໃຫ້ທິດຊີ້ນໍາບ້ານນາສ້າງໄພ ມີຈໍານວນຜູ້ຕິດເຊື້ອ 12 ຄົນ ກວມເອັາ 16 ຄອບຄົວ ແລະ ບ້ານຈອມມະນີ ມີຈໍານວນຜູ້ຕິດເຊື້ອ 12 ກໍລະນີ ໃນວັນທີ 18 ພຶດສະພາ ມາຮອດວັນທີ 19 ພຶດສະພາ ຄະນະສະເພາະກິດຂັ້ນບ້ານໄດ້ກໍານົດຈຸດລັອກດາວໜ່ວຍທີ່ມີການລະບາດ ເຊິ່ງມີຜູ້ສໍາຜັດໃກ້ສິດ 184 ຄົນ ໃນນີ້ໄດ້ເຝົ້າລະວັງ ແລະ ກັກບໍລິເວນກຸ່ມຄົນດັ່ງກ່າວ ເຊິ່ງໃນນີ້ບ້ານນາສ້າງໄພ ເຈົ້າຄອງໄດ້ເນັ້ນໃຫ້ອໍານາດການປົກຄອງບ້ານເກັບກໍາບັນດາລາຍຊື່ຄອບຄົວທຸກຍາກ ໂດຍສະເພາະຄອບຄົວທີ່ມີຄວາມຫຍຸ້ງຍາກໃນໄລຍະລັອກດາວ ໃຫ້ບ້ານສືບຕໍ່ສັງລວມເກັບກໍາຂໍ້ມູນຜູ້ທີ່ໄດ້ຮັບການສັກຢາວັກຊິນ ແລະ ບໍ່ໄດ້ຮັບການສັກຢາວັກຊິນ ເພື່ອລາຍງານໃຫ້ພະແນກສາທາລະນະສຸກນະຄອນຫຼວງວຽງຈັນ ສັງລວມເກັບກໍາຂໍ້ມູນ ໃຫ້ບ້ານແລະ ອົງການປົກຄອງເມືອງສົມທົບປະສານງານກັບ ປກສ ກຸ່ມ ປກສ ເມືອງ ແລະ ປກສ ນະຄອນຫຼວງວຽງຈັນ ຈັດຕັ້ງກໍາລັງປ້ອງກັນເວນຍາມທາງເຂົ້າອອກພາຍໃນບ້ານ ໃນສະເພາະກຸ່ມທີ່ກໍານົດເປັນພື້ນທີ່ສີແດງຂອງບ້ານ ສ່ວນບ້ານຈອມມະນີເນັ້ນໃຫ້ສືບຕໍ່ຂໍຄວາມຮ່ວມມືຈາກຜູ້ສໍາຜັດໃກ້ສິດຈໍານວນ 184 ຄົນ ສະໜອງຂໍ້ມູນໃນ 7 ວັນຜ່ານມາ ຕົນໄດ້ພົວພັນໃຜແນ່ ເພື່ອເປັນຂໍ້ມູນວິເຄາະວິໄຈ ແລະ ປ້ອງກັນໃຫ້ທັນການ ໃຫ້ບ້ານກໍານົດເປັນມາດຕະຖານໜຶ່ງໃນການຈັດຕັ້ງປະຕິບັດ ໂດຍປະສານຫາຄອບຄົວ ແນໃສ່ສະກັດກັ້ນ ແລະ ຂໍການຮ່ວມມືຈາກສັງຄົມ ພ້ອມນັ້ນໃຫ້ອົງການປົກຄອງເມືອງສົມທົບກັບບ້ານທີ່ກໍານົດເປັນພື້ນທີ່ສີແດງແລ້ວຂຶ້ນແຜນງົບປະມານຊ່ວຍ ເຫຼືອ ໂດຍສະເພາະອຸປະກອນການແພດທີ່ຈໍາເປັນ ເຊັ່ນ: ຜ້າອັດປາກ-ອັດດັງ ເຫຼົ້າເກົ້າສິບ ແລະ ເຈວລ້າງມືຂ້າເຊື້ອ.

ຄອບຄົວຕົວແບບ