ອົງຄະນະພັກ ນວ ສະຫຼຸບການຊີ້ນໍາ-ນໍາພາວຽກງານຮອບດ້ານ ໃນໄລຍະ 6 ເດືອນຜ່ານມາ

       ກອງປະຊຸມຄົບຄະນະບໍລິຫານງານ ນວ ສະໄໝທີ VII ຄັ້ງທີ 4 ຈັດຂຶ້ນໃນວັນທີ 01-02 ກໍລະກົດ 2021 ທີ່ຫ້ອງວ່າການປົກຄອງ ນວ ເປັນປະທານຂອງສະຫາຍ ປອ. ອານຸພາບ ນຸນາລົມ ຄະນະເລຂາທິການສູນກາງພັກ, ເລຂາຄະນະພັກ, ປະທານສະພາປະຊາຊົນ ນວ ມີສະຫາຍ ປອ. ອາດສະພັງທອງ ສີພັນດອນ ກຳມະການສູນກາງພັກ, ຮອງເລຂາຄະນະພັກ, ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະປະຈໍາພັກ, ຄະນະນໍາ 9 ເມືອງ ແລະ ພະ ແນກການ-ອົງການທຽບເທົ່າອ້ອມຂ້າງ ນວ ເຂົ້າຮ່ວມ.

    

ກອງປະຊຸມໄດ້ຮັບຟັງການລາຍງານ ແລະ ໃຫ້ທິດຊີ້ນໍາກ່ຽວກັບການສະຫຼຸບຕີລາຄາການນໍາພາວຽກງານຮອບດ້ານຂອງຄະນະບໍລິຫານງານພັກ ນວ ໄລຍະ 6 ເດືອນຜ່ານມາ ແລະ ແຜນຈຸດສຸມ 6 ເດືອນທ້າຍປີ 2021 ລາຍງານ ແລະ ສະເໜີມາດຕະການປ້ອງກັນ ຄວບຄຸມ ສະກັດກັ້ນ ແລະ ແກ້ໄຂການແຜ່ລະບາດຂອງເຊື້ອພະຍາດໂຄວິດ-19 ຢູ່ ນວ ແລະ ແຜນວຽກວຽກປ້ອງກັນຊາຍແດນໃນໄລຍະຜ່ານມາ ໂດຍສະເພາະການແຜ່ລະບາດຂອງເຊື້ອພະຍາດໂຄວິດ-19 ພ້ອມນັ້ນ ຮັບຟັງການລາຍງານກ່ຽວກັບການກະກຽມຄວາມພ້ອມໃຫ້ແກ່ການຈັດຕັ້ງເຊື່ອມຊຶມ ແລະ ຜັນຂະຫຍາຍກອງປະຊຸມໃຫຍ່ ຄັ້ງທີ XI ຂອງພັກ ຕິດພັນກັບກອງປະຊຸມໃຫຍ່ ຄັ້ງທີ VII ຂອງອົງຄະນະພັກ ນວ ນອກນັ້ນ ກອງປະຊຸມຍັງໄດ້ຮັບຟັງການເຜີຍແຜ່ບັນດາເອກະສານຂອງພັກຈໍານວນໜຶ່ງ ຮັບຟັງການລາຍງານ ແລະ ພິຈາລະນາກ່ຽວກັບຂໍ້ຕົກລົງວ່າດ້ວຍການຈັດຕັ້ງປະຕິບັດແຜນຜັງຕົວເມືອງວຽງຈັນ ສະບັບທີ III ແລະ ແຜນວຽກຈຸດສຸມໃນຕໍ່ໜ້າ ຈາກນັ້ນ ຍັງໃຫ້ທິດຊີ້ນໍາວາລະແຫ່ງຊາດຕື່ມອີກ.

 

ຄອບຄົວຕົວແບບ