ເຝິກອົບຮົມພະນັກງານນຳພາ-ຄຸ້ມຄອງ ນະຄອນຫຼວງວຽງຈັນ ຢູ່ ສສ ຫວຽດນາມ
ໂດຍປະຕິບັດຕາມມະຕິຕົກລົງຂອງຄະນະປະຈໍາພັກນະຄອນຫຼວງວຽງຈັນ ວ່າດ້ວຍການອະນຸມັດໃຫ້ພະນັກງານນໍາພາ-ຄຸ້ມຄອງ 31 ທ່ານເຂົ້າຮ່ວມເຝິກອົບຮົມວຽກ ງານກໍ່ສ້າງພັກໄລຍະເວລາ 12 ວັນ ຈັດຂຶ້ນວັນທີ 14-27 ກໍ ລະກົດ 2024 ຢູ່ນະຄອນຫຼວງຮ່າໂນ້ຍ ສສ ຫວຽດນາມ ປະຈໍາປີ 2024 ນໍາພາຄະນະໂດຍທ່ານ ວິລະສັກ ນາມມຸນຕີ ກໍາມະການປະຈໍາພັກ ປະທານຄະນະກວດກາພັກ ປະທານອົງການກວດກາລັດ ນວ ມີກຳມະການພັກ ຮອງຫົວ ໜ້າຂົງເຂດການເມືອງ ຮອງເລຂາພັກເມືອງ ຄະນະປະຈຳພັກເມືອງ ກຳມະການະພັກເມືອງ ແລະ ພະນັກງານວິຊາ ການຄະນະຈັດຕັ້ງ ພະແນກການຕ່າງປະເທດ.
ພິທີປິດຈັດຂຶ້ນວັນທີ 27 ກໍລະກົດ 2024 ມີທ່ານ ນາງ ຫງວຽນທິຕ໋ຽວນ ກໍາມະການຄະນະບໍລິຫານງານສູນກາງພັກ ຮອງເລຂາຄະນະພັກນະຄອນຫຼວງຮ່າໂນ້ຍ ທ່ານ ຄໍາຕັນ ສົມວົງ ທີ່ປຶກສາດ້ານສຶກສາ-ວັດທະນະທໍາລາວສະຖານທູດລາວປະຈໍາຫວຽດນາມ ຄະນະປະຈໍາພັກກໍາມະການພັກນະຄອນຫຼວງຮ່າໂນ້ຍ ຫົວໜ້າຄະນະຈັດຕັ້ງ ປະທານກວດກາພັກ ຫົວໜ້າໂຄສະນາອົບຮົມ ຮອງຫົວໜ້າໂຮງ ຮຽນກໍ່ສ້າງພັກ-ພະນັກງານ ເລຮົ່ງຟອງ ພ້ອມດ້ວຍຄະນະຄູອາຈານຮັບຜິດຊອບຂອງນະຄອນຫຼວງຮ່າໂນ້ຍ ນັກເຝິກອົບຮົມ ແລະ ຄະນະຜູ້ຕິດຕາມເຂົ້າຮ່ວມ.
ຊຸດອົບຮົມຄັ້ງນີ້ຜູ້ເຂົ້າຮ່ວມໄດ້ຮ່ຳຮຽນ ແລະ ແລກປ່ຽນບັນດາບົດບັນຍາຍຫົວຂໍ້ 10 ບົດ (ບົດບັນຍາຍ 5 ບົດກ່ຽວ ກັບປະສົບການຕົວຈິງຂອງນະຄອນຮ່າໂນ້ຍ ແລະ 5 ບົດບັນຍາຍກ່ຽວກັບຄວາມສາມາດດ້ານການນຳ ແລະ ການ ຄຸ້ມຄອງ) ພິເສດບັນດາເນື້ອໃນລວມມີວຽກງານກໍ່ສ້າງພັກ ແລະ ແກ້ໄຂ ກໍ່ສ້າງລະບົບການເມືອງ ປະດິດສ້າງວິທີການນຳພາຂອງພັກທີ່ຕິດພັນກັບຄວາມຮັບຜິດຊອບຂອງຜູ້ນຳ ແລະ ລະບຽບການ ເພື່ອເປັນແບບຢ່າງໃຫ້ແກ່ພະນັກງານ ແລະ ສະມາຊິກພັກ ວຽກງານກວດກາ ກວດກາ ປະຕິບັດວິໄນຂອງພັກ ແລະ ອື່ນໆ.
ນອກນັ້ນຍັງໄປທັດສະນະຢ້ຽມຢາມ ແລະ ເຮັດວຽກກັບອົງການປົກຄອງເມືອງ 8 ເມືອງ ຂອງນະຄອນຫຼວງຮ່າໂນ້ຍ ແລະ ອົງການປົກຄອງແຂວງກວາງນີງ ໄປຢ້ຽມຊົມສະຖານ ທີ່ເຮັດວຽກບໍລິການຜ່ານປະຕູດຽວແບບທັນສະໄໝ ໂຮງງານຕັດຫຍິບ ໂຮງງານຜະລິດຕຸກກະຕາ ສຸສານປະທານໂຮ່ຈີມິນ ສະຖານພະລາດຊະວັງເກົ່າແທັງລອງ ວັດເກົ່າແກ່ບູ ຮານ ໂຮງຮຽນແຫ່ງທໍາອິດຂອງຫວຽດນາມ ເຂດທ່ອງທ່ຽວຕ່ວຍເຈົາ (ບ້າຍໄຈ) ແລະ ວີ້ງຮ້າລອງ ແລະ ເຂົ້າຢ້ຽມຄຳນັບທ່ານເລຂາຄະນະພັກນະຄອນຫຼວງຮ່າໂນ້ຍຕື່ມອີກ.
