ທ່ານ ຊົງເລົ່າ ຢົງນູ ຮອງເລຂາຄະນະພັກ ນະຄອນຫຼວງວຽງຈັນ ລົງຊຸກຍູ້ວຽກງານກໍ່ສ້າງຮາກຖານການເມືອງຢູ່ບ້ານໜອງປີງ, ເມືອງຈັນທະບູລີ, ນະຄອນຫຼວງວຽງຈັນ. ໃນວັນທີ 27 ມິຖຸນາ 2024. ໂດຍການເຂົ້າຮ່ວມຂອງທ່ານ ດວງຕາ ສຸລິວົງ ກໍາມະການພັກ ນະຄອນຫຼວງວຽງຈັນ, ເລຂາຄະນະພັກເມືອງ-ເຈົ້າເມືອງຈັນທະບູລີ, ມີບັນດາພະແນກການ-ອົງການທຽບເທົ່າ ຂັ້ນນະຄອນຫຼວງວຽງຈັນ, ມີບັນດາຫ້ອງການພາຍໃນເມືອງ, ພະນັກງານຫຼັກແຫຼ່ງ ແລະ ປະຊາຊົນ ເຂົ້າຮ່ວມ.
ທ່ານ ດວງຕາ ສຸລິວົງ ກໍາມະການພັກ ນະຄອນຫຼວງວຽງຈັນ, ເລຂາຄະນະພັກເມືອງ-ເຈົ້າເມືອງຈັນທະບູລີ, ໄດ້ລາຍງານໂດຍຫຍໍ້ ກ່ຽວກັບການຈັດຕັ້ງປະຕິບັດວຽກງານໃນໄລຍະຜ່ານມາວ່າ: ໄດ້ເອົາໃຈໃສ່ໃນວຽກງານ 4 ກຸ່ມວຽກ ຄື: ວຽກງານການເມືອງ, ວຽກງານປກຊ-ປກສ, ວຽກງານເສດຖະກິດ, ວຽກງານວັດຖະນາທຳສັງຄົມ, ໄດ້ຈັດຕັ້ງເຊື່ອມຊຶມ ບັນດາມະຕິ, ຄຳສັງຂອງສູນກາງ ແລະ ນິຕິກຳຂອງອົງຄະນະພັກ ນະຄອນຫຼວງວຽງຈັນ ແລະ ຂອງອົງຄະນະພັກເມືອງ ໂດຍໄດ້ຜັນຂະຫຍາຍໃຫ້ກັບສຳນັກງານ-ອົງການ, ບ້ານ ຢ່າງທົ່ວເຖິງນຳພາຈັດຕັ້ງປາຖະກະຖາ ເລົ່າມູນເຊື້ອວັນສຳຄັນຕ່າງໆຂອງພັກ-ລັດ ໂດຍ ໄດ້ 50 ຄັ້ງ, ມີຜູ້ເຂົ້າຮ່ວມທັງໝົດ 4,596 ຄົນ, ຍິງ 3,596 ຄົນ. ປັບປຸງການຈັດຕັ້ງຢູ່ຂັ້ນຮາກຖານມີໜ່ວຍພັກທົ່ວເມືອງມີ 74 ໜ່ວຍ: ເປີດກອງປະຊຸມໃຫຍ່ສໍາເລັດ 67 ໜ່ວຍພັກ, ຍັງສືບຕໍ່ 8 ໜ່ວຍ. ແນວລາວສ້າງຊາດ ບ້ານສໍາເລັດ 24 ບ້ານ, ຍັງ 6 ບ້ານ. ຊາວໜຸ່ມທົ່ວເມືອງ ສໍາເລັດ 74 ໜ່ວຍ ເທົ່າກັບ 100%. ສະຫະພັນແມ່ຍິງ ຫ້ອງການອ້ອມຂ້າງເມືອງ ສໍາເລັດແລ້ວ 56 ຮາກຖານ ເທົ່າກັບ 100%. ກໍາມະບານ ສໍາເລັດ 37 ຮາກຖານ, ເທົ່າກັບ 100%. ສະຫະພັນນັກຮົບເກົ່າ ສໍາເລັດ 15 ໜ່ວຍ ເທົ່າກັບ 100%. ຜ່ານມາມີຄະດີເກີດຂຶ້ນທັງໝົດ 231 ເລື່ອງ, ແກ້ໄຂໄດ້ 170 ເລື່ອງ, ກັກຕົວຜູ້ຕ້ອງຫາ 132 ຄົນ, ຜົນເສຍຫາຍ: ລົດຈັກ: 42 ຄັນ, ເງິນກີບ: 500 ລ້ານກວ່າກີບ, ເງິນບາດ: 758.000 ບາດ, ເງິນໂດລາ: 10.235 ໂດລາ, ຄໍາຮູບປະພັນ 15 ບາດ. ອຸປະຕິເຫດໃນທ້ອງຖະໜົນເກີດຂຶ້ນ ທັງໝົດ: 71 ຄັ້ງ ( ທຽບໃສ່ 06 ເດືອນທ້າຍ ປີ 2023 ແມ່ນຫຼຸດລົງ 3,01 % ພາຫະນະເປ່ເພທັງໝົດ: 140 ຄັນ, ຄົນຮັບບາດເຈັບທັງໝົດ: 122 ຄົນ). ໃນໄລຍະ 6 ເດືອນ ເກັບໄດ້ 73,53 ຕື້ກວ່າກີບ, ເທົ່າກັບ 72,33% ຂອງແຜນການປີ, ດຸ່ນໃຫ້ນະຄອນຫຼວງໄດ້ 59,837 ຕື້ກວ່າກີບ ເທົ່າກັບ 63,86% ຂອງແຜນການປີ. ຊຸກຍູ້ສົ່ງເສີມຜະລິດຕະພັນສີນຄ້າໂອດ໋ອບ (ODOP) ຂອງເມືອງຈັນທະບູລີ ຈຳນວນ 5 ຫົວໜ່ວຍ. ກວດກາການນໍາເຂົ້າສັດ, ສິ້ນສ່ວນຜະລິດຕະພັນສັດ ແລະກວດສານເຄມີຕົກຄ້າງພືດຜັກທີ່ມາວາງຈຳໜ່າຍຢູ່ທ້ອງຕະຫຼາດພາຍໃນເມືອງ. ແຜນງານໂຄງການຂອງມະຕິກອງປະຊຸມໃຫຍ່ ຄັ້ງທີ VII ຂອງອົງຄະນະພັກເມືອງຈັນທະບູລີ ລວມມີ 8 ແຜນງານ 91 ໂຄງການ ມາຮອດປະຈຸບັນ ສາມາດປະຕິບັດໄດ້ 68 ໂຄງການ, ເທົ່າກັບ 74,72%, ຍັງ 23 ໂຄງການເປັນໂຄງການນໍາໃຊ້ງົບປະມານລັດໃນການລົງທຶນ. ໄດ້ກໍ່ສ້າງເສັ້ນທາງເບຕົງ ຈຳນວນ 3 ເສັ້ນ ໂດຍແມ່ນທຶນຂອງປະຊາຊົນເອງ 2 ເສັ້ນ ຢູ່ບ້ານໂພນສະຫວ່າງ. ສ້າງຂະບວນການອະນາໄມປະດັບປະດາຕົວເມືອງ ເພື່ອຕ້ອນຮັບວັນສຳຄັນຂອງຊາດ ຂອງພັກ ແລະກອງປະຊຸມຕ່າງໆ ຢ່າງເປັນຂະບວນຟົດຟື້ນ. ສາມາດສ້າງນັກຮຽນເກັ່ງ ຊັ້ນ ປ5, ມ4, ມ7 ຂັ້ນເມືອງ ລວມ 531 ນ້ອງ, ຍິງ 357 ນ້ອງ, ຜ່ານເຂົ້າຮ່ວມສອບເສັງນັກຮຽນເກັ່ງຂັ້ນນະຄອນຫຼວງວຽງຈັນ ມີ 136 ນ້ອງ, ຍິງ 45 ນ້ອງ, ເປັນເຈົ້າການອະນາໄມທຳລາຍແຫຼ່ງເພາະພັນ ໜອນນ້ຳຍຸງລາຍ ເພື່ອປ້ອງກັນພະຍາດໄຂ້ຍຸງລາຍ ທົ່ວເມືອງ, ການສັກຢາປ້ອງກັນພະຍາດຕາມລະດູການໄດ້ 145 ເທື່ອຄົນ, ຂະບວນການສັກຢາກັນໝາກແດງນ້ອຍ, ໝາກແດງໃຫຍ່ ປະຕິບັດໄດ້ 3.373 ຄົນ, ເທົ່າກັບ 57%. ອານຸລັກຮັກສາມູນເຊື້ອວັດທະນະທໍາອັນດີງາມຂອງຊາດ, ການເຮັດບຸນປະເພນີ ຕາມຮີດຄອງ ເປັນຕົ້ນແມ່ນການຈັດງານບຸນພະເຫວດ, ບຸນປີໃໝ່ລາວ ແລະ ອື່ນໆ. ສ້າງຄອບຄົວ, ບ້ານວັດທະນະທໍາ ແມ່ນຍັງຮັກສາໄດ້, ສະຖານທີ່ປະຫວັດສາດ, ບູຮານສະຖານ, ວັດວາອາຮາມໄດ້ຮັບການປະດັບປະດາ, ສະຖານທີ່ທ່ອງທ່ຽວເຂດແຄມຂອງທີ່ເປັນຈຸດສຸມ ໄດ້ຮັບການຈັດສັນເປັນລະບຽບຮຽບຮ້ອຍ ແລະ ສວຍງາມ ດຶງດູດນັກທ່ອງທ່ຽວພາຍໃນ ແລະ ຕ່າງປະເທດ, ລົງເຮັດບົດບັນທຶກແນະນໍາ ແລະ ຕັກເຕືອນບັນດາຫົວໜ່ວຍທຸລະກິດຕິດຕັ້ງປ້າຍທີ່ບໍ່ຖືກຕ້ອງຕາມລະບຽບເຂດບ້ານຂົວຫຼວງ ຈໍານວນ 28 ປ້າຍ, ພົວພັນນັກຂ່າວ ເພື່ອເອົາຂ່າວຂະບວນການຕ່າງໆພາຍໃນເມືອງໄດ້ 28 ຂ່າວ, ຕິດຕາມວາລະສານຂາຍສິ່ງພິມໄດ້ຈໍານວນ 02 ຮ້ານ. ປະຕິບັດນະໂຍບາຍຕອບແທນບຸນຄຸນຕໍ່ນັກຮົບປະຕິວັດ ມອບເງິນອຸດໜູນເສຍຊີວິດໃຫ້ກັບຄອບຄົວພະນັກງານບໍານານຈໍານວນ 5 ທ່ານ, ເປັນເງິນທັງໝົດ 238 ລ້ານກວ່າກີບ, ໄດ້ເອົາໃຈໃສ່ແກ້ໄຂຄົນຂໍທານ, ບ້າໄບ້, ເສຍຈິດ ຢ່າງຕັ້ງໜ້າ ສົ່ງເຂົ້າສູນສົງເຄາະ ນະຄອນຫຼວງວຽງຈັນ ໄດ້ 16 ຄົນ, ຍິງ 3 ຄົນ.
ຕອນທ້າຍຂອງກອງປະຊຸມທ່ານຮອງເລຂາຄະນະພັກ ນະຄອນຫຼວງວຽງຈັນ ໄດ້ເນັ້ນໃຫ້ອົງການປົກບ້ານ ແລະ ເມືອງໃຫ້ສ້າງຂະບວນການຕ່າງໆເພື່ອຕ້ອນຮັບການເປັນເຈົ້າພາບກອງປະຊຸມອາຊຽນ, ບັນຫານໍ້າຖ້ວມຂັງ, ບັນຫາການເກັບລາຍຮັບ-ລາຍຈ່າຍ, ບັນຫາຄວາມເປັນລະບຽບຮຽບຮ້ອຍການຄ້າຂາຍຂອງປະຊາຊົນທີ່ກວມເອົາທາງຍ່າງແຄມທາງ ແລະ ເອົາໃຈໃສ່ພົວພັນໃຫ້ກົມກ່ຽວໃນການປະສານວຽກງານ ເພື່ອໃຫ້ສອດຄ່ອງກັບໜ້າທີ່ວຽກງານ ລະຫວ່າງ ອົງການປົກບ້ານ ແລະ ເມືອງ.