ເຈົ້າຄອງຊຸກຍູ້ຄົ້ນຄວ້າການສ້າງຕັ້ງເມືອງໃໝ່

ລາຍລະອຽດ

ສ້າງຂື້ນເມື່ອ ວັນຈັນ, 28 ມີຖຸນາ 2021 01:49

ຂຽນໂດຍ ຄອຂ ນະຄອນຫຼວງ

ເຈົ້າຄອງຊຸກຍູ້ຄົ້ນຄວ້າການສ້າງຕັ້ງເມືອງໃໝ່

     ວັນທີ 26 ມິຖຸນາ 2021 ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນພ້ອມຄະນະ ໄດ້ເຄື່ອນໄຫວຢ້ຽມຢາມ ແລະ ຊຸກຍູ້ການສ້າງຕັ້ງເມືອງໃໝ່ເຊິ່ງເປັນເມືອງທີ 10 ຂອງ ນະຄອນຫຼວງວຽງຈັນ ຢູ່ ມສ ພວງໄຊ ບ້ານນາໂງມໃໝ່ ເມືອງໄຊທານີ ຖືກຕ້ອນຮັບຈາກທ່ານ ພົນຈັດຕະວາ ສີພອນ ຈັນສົມວົງ ຫົວໜ້າກອງບັນຊາການທະຫານ ນະຄອນຫຼວງວຽງຈັນ ຜູ້ຊີ້ນໍາວຽກງານຄະນະຮັບຜິດຊອບຄົ້ນຄວ້າສ້າງຕັ້ງເມືອງໃໝ່ ມີຄະ ນະຮັບຜິດຊອບຄບັນດາພະແນກການ ແລະ ນາຍບ້ານທັງ 24 ບ້ານທີ່ກວມຂອບເຂດພື້ນທີ່ເມືອງໃໝ່ເຂົ້າຮ່ວມ.

ອ່ານເພີ່ມເຕີມ...

ເຈົ້າຄອງຊີ້ນຳວຽກງານການປອ້ງກັນສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ຈຸດຄວາມສ່ຽງເມືອງໄຊເສດຖາ

ລາຍລະອຽດ

ສ້າງຂື້ນເມື່ອ ວັນພຸດ, 26 ພຶດສະພາ 2021 03:52

ຂຽນໂດຍ Anousone

ເຈົ້າຄອງຊີ້ນຳວຽກງານການປອ້ງກັນສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ຈຸດຄວາມສ່ຽງເມືອງໄຊເສດຖາ

          ທ່ານ ປອ. ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ພ້ອມດ້ວຍທ່ານ ປອ. ຊົງເລົ່າ ຢົງນູ ຄະນະປະຈໍາພັກ, ຫົວໜ້າຄະນະໂຄສະນາອົບຮົມ ນະຄອນຫຼວງວຽງຈັນ ຜູ້ຊີ້ນໍາເມືອງໄຊເສດຖາແລະ ບັນດາພະແນກການທີ່ກຽ່ວຂ້ອງຈາກນະຄອນຫຼວງວຽງຈັນ ໄດ້ລົງຊີ້ນຳວຽກງານການປ້ອງກັນ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ຈຸດຄວາມສ່ຽງທີ່ພົວພັນກັບຜູ້ຕິດເຊື້ອພະຍາດໂຄວິດ-19 ຢູ່ເມືອງໄຊເສດຖາ ນະຄອນຫຼວງວຽງຈັນ ວັນທີ 24 ພຶດສະພາ 2021 ໂດຍການນໍາພາຂອງທ່ານ ຄໍາມາ ແສງມີໄຊ ເຈົ້າເມືອງໄຊເສດຖາ ພ້ອມຄະນະ.

ອ່ານເພີ່ມເຕີມ...

ລາຍຊື່ຜູ້ສະໝັກຮັບເລືອກຕັ້ງ ສສຊ ແລະ ສສນວ

ລາຍລະອຽດ

ສ້າງຂື້ນເມື່ອ ວັນຈັນ, 15 ກຸມພາ 2021 07:48

ຂຽນໂດຍ Anousone

ລາຍຊື່ຜູ້ສະໝັກຮັບເລືອກຕັ້ງ ສສຊ ແລະ ສສນວ

ລາຍຊື່ຜູ້ຮັບສະໝັກເລືອກຕັ້ງເປັນສະມາຊິກສະພາແຫ່ງຊາດ ຊຸດທີ IX ປະຈຳເຂດເລືອກຕັ້ງທີ 1 ຈໍານວນ 23 ທ່ານ ຍິງ 6 ທ່ານ ເລືອກເອົາ 18 ທ່ານ:

1. ທ່ານ ປອ. ໄຊສົມພອນ ພົມວິຫານ.

2. ທ່ານ ປອ. ອານຸພາບ ຕຸນາລົມ.

3. ທ່ານ ຮສ.ປອ. ລິນຄໍາ ດວງສະຫວັນ.

4. ທ່ານ ບຸນຕາ ເທບພະວົງ.

5. ທ່ານ ປອ. ເກດແກ້ວ ສີຫາລາດ.

6. ທ່ານ ຮສ. ວຽງວິໄລ ທ່ຽງຈັນໄຊ.

7. ທ່ານ ໄຊຄໍາ ອຸ່ນມີໄຊ.

8. ທ່ານ ບຸນທາມ ພຸດທະວົງສາ.

9. ທ່ານ ນ. ເກດມະນີ ບັນດາສັກ.

10. ທ່ານ ສາລະພິດ ສູນວໍລະວົງ.

ອ່ານເພີ່ມເຕີມ...

ໂຮມຊຸມນຸມໃຫຍ່ສະເຫລີມສະຫລອງວັນຊາດ ແລະ ວັນເກີດປະທານ ໄກສອນ ພົມວິຫານ

ລາຍລະອຽດ

ສ້າງຂື້ນເມື່ອ ວັນພະຫັດ, 21 ມັງກອນ 2021 08:52

ຂຽນໂດຍ Anousone

      ພິທີໂຮມຊຸມນຸມໃຫຍ່ສະເຫລີມສະຫລອງວັນສະຖາປະນາ ສປປ ລາວ  ຄົບຮອບ 45 ປີ (2/12/1975-2/12/2020) ແລະ ວັນເກີດປະທານ ໄກສອນ ພົມວິຫານ ຄົບຮອບ 100 ປີ (13/12/1920-13/12/2020) ໄດ້ຈັດຂຶ້ນໃນວັນທີ 2 ທັນວາ 2020 ທີ່ຫໍປະຊຸມແຫ່ງຊາດ ໂດຍການເປັນປະທານຂອງທ່ານ ບຸນຍັງ ວໍລະຈິດ ປະທານປະເທດ ມີທ່ານ ທອງລຸນ ສີສຸລິດ ນາຍົກລັດຖະມົນຕີ ບັນດາການນໍາພັກ-ລັດຂັ້ນສູນກາງ ນະຄອນ ຫລວງວຽງຈັນ ແລະ ນັກຮົບປະຕິວັດ ອາວຸໂສ ບໍານານ ເຂົ້າຮ່ວມ.

ອ່ານເພີ່ມເຕີມ...

45 ປີ ຂອງການພັດທະນາເສດຖະກິດນະຄອນຫລວງວຽງຈັນ

ລາຍລະອຽດ

ສ້າງຂື້ນເມື່ອ ວັນຈັນ, 19 ຕຸລາ 2020 02:53

ຂຽນໂດຍ ຄອຂ ນະຄອນຫຼວງ

45 ປີ ຂອງການພັດທະນາເສດຖະກິດນະຄອນຫລວງວຽງຈັນ

(23 ສິງຫາ 1975-23 ສິງຫາ 2020)

......................

​ເມື່ອ​ທົບ​ທວນ​ຫວນ​ຄືນ​ແລ້ວການຍຶດອໍານາດ 23 ສິງຫາ ຢູ່ນະຄອນວຽງຈັນ ໃນ 44 ປີກ່ອນ ນັ້ນແມ່ນ​ ​ເປັນ​ເຫດ​ການ​ການ​ເມືອງ ​ທີີ່​ມີ​ຄວາມ​ໝາຍ​ສໍາຄັນ​ຍິ່ງ​ຂອງ​ຊາດ​ລາວ, ກໍ​ຄື​ຊາວ​ນະ​ຄອນຫລວງ, ການ​ຢຶດ​ອໍານາດ 23 ສິງ​ຫາ​ ຢູ່ນະ​ຄອນ​ວຽງ​ຈັນ ເປັນການໂມ່ງບາດຄ້ອນມະຫັດສະຈັນເຂົ້າໃສ່ “ກໍາແພງ” ສຸດທ້າຍຂອງ ອິດທິກໍາລັງຈັກກະພັດຜູ້ຮຸກຮານ ແລະ ພວກປະຕິການຂາຍຊາດ ໃຫ້ມຸ່ນທະລາຍໄປຢ່າງສິ້ນເຊີງ, ເປັນການໄຂເສັ້ນທາງສູ່ໄຊຊະ ນະອັນສົມບູນ ຂອງການປະຕິວັດປົດປ່ອຍຊາດ, ປະ​ທິປະ​ໄຕ ​ແລະ ​ເປັນ​ພຶ້ນຖານ​ ຫລື ເປັນອາ​ລຸນ​ວັນ​ໃໝ່​ ຂອງ​ການ​ສ້າງ​ຕັ້ງ​ລະບອບ​ສາທາລະນະ​ລັດ ປະຊາທິປະ​ໄຕ ປະຊາຊົນ ​ໃນ​ວັນ​ທີ 2 ທັນວາ 1975, ທັງແມ່ນ​ໝາກຜົນ​ຂອງ​ການ​ຕໍ່ສູ້​ປະຕິວັດ​ອັນ​ຍືດ​ເຍື້ອຍາວ​ນານ ທີ່​ເຕັມ​ໄປດ້ວຍ​ຄວາມ​ທຸກ​ຍາກ​ລໍາບາກ, ​ພິລະ​ອາດ​ຫານ, ການ​ເສຍ ສະຫລະ​ຊີວິດ ​ແລະ ​ເລືອດ​ເນື້ອ​ຂອງ​ປະຊາຊົນ​ລາວບໍ່​ຈັກ​ວ່າ​ເທົ່າ​ໃດ; ​ທັງ​ແມ່ນ​ໝາກຜົນ​ຂອງ​ການ​ນໍາ​ໃຊ້​ສາມ​ບາດ​ຄ້ອນ​ຍຸດ​ທະ​ສາດບຸກ​ໂຈມ​ຕີ​ສັດຕູ “ແບບ​ບົວ​ບໍ່​ຊໍ້ານໍ້າບໍ່​ຂຸ່ນ”,​ ທັງແມ່ນກຽດອັນສູງສຸດຂອງນັກຮັກຊາດ, ຊົນຊັ້ນກໍາມະກອນ, ນັກຮຽນຮູ້ປັນຍາຊົນ ແລະ ຜູ້ອອກແຮງງານ ຊາວນະຄອນວຽງຈັນ !

ພາຍຫລັງການຢຶດອໍານາດ 23 ສິງຫາ ​ແລະ ​ໄດ້ສ້າງຕັ້ງລະບອບສາທາລະນະລັດປະຊາທິປະໄຕ ປະຊາຊົນລາວ​​ໃນ​ວັນ​ທີ 2 ທັນວາ 1975 ​ແລ້ວ, ການປະຕິວັດລາວໄດ້ກ້າວສູ່ໄລຍະໃໝ່​​ໄລຍະແຫ່ງ​ການປົກປັກຮັກສາ ແລະ ສ້າງສາປະເທດຊາດ. ສໍາລັບຢູ່​ນະ​ຄອນ​ວຽງ​ຈັນຫລັງ​ຈາກ​ຢຶດ​ອໍ​າ​ນາດ​ການ​ປົກ​ຄອງ​ແລ້ວ,  ອົງຄະນະພັກນະຄອນວຽງຈັນ ສະ​ໄໝ​ຊຸດ​ທໍາອິດ ໄດ້ຈັດ​ຕັ້ງ​ນໍາພາ​ອໍານາດ​ການ​ປົກ​ຄອງ​ໃໝ່ ແລະ ປະ​ຊາ​ຊົນ​ແຂວງ-ກໍາແພງ​ນະ​ຄອນ​ວຽງ​ຈັນ​ເຮັດ​ໜ້າ​ທີ່ ເພື່ອປົກປັກຮັກສາໝາກຜົນຂອງການປະຕິວັດ, ຈັດ​ຕັ້ງ​ນໍາພາການປ້ອງກັນຊາດ-ປ້ອງກັນຄວາມສະຫງົບ, ຟື້ນຟູ ແລະ ພັດທະນາເສດຖະກິດ-ສັງຄົມ, ປົວແປງ ແລະ ຍົກລະດັບຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນໃຫ້ດີຂຶ້ນເປັນກ້າວໆມາ ອັນ​ທີ່​ພົ້ນ​​ເດັ່ນກໍ​ແມ່ນ​ການ​ສ້າງຄູ​ກັນ​ນໍ້າຂອງ​ໄລຍະ​ທໍາອິດ, ຕໍ່​ມາ​ກໍ່​ແມ່ນ​ການ​ສ້າງ​ຊົນລະປະທານ​ແກ້​ໄຂ​ຄວາມ​ຂາດ​ເຂີນ​ເຂົ້າ​ກິນ ​ແລະ ຕໍ່​ມາໃນຫລາຍ​ສະ​ໄໝ​ແຫ່ງ​ກາ​ນ​ນໍາພາ​ຂອງ​ອົງ​ຄະ​ນະ​ພັກ ໂດຍ​ສະ​ເພາະຫລັງ​ຈາກ​ມີ​ແນວ​ທາງ​ປ່ຽນ​ແປງ​ໃໝ່​ຂອງ​ພັກ​ໃນ​ປີ 1986 ເປັນ​ຕົ້ນ​ມາ, ນະຄອນຫລວງວຽງຈັນ ໄດ້ຮັບການຊີ້ນຳໂດຍກົງຈາກສູນກາງພັກ ແລະ ລັດຖະບານ ອັນໄດ້ເຮັດໃຫ້ ນວ ໄດ້ຮັບການພັດທະນາຢ່າງຮອບດ້ານ ແລະ ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ.

ອ່ານເພີ່ມເຕີມ...