ກອງປະຊຸມໃຫຍ່ສະມາຊິກສະຫະພັນແມ່ຍິງໜ່ວຍ ຄັ້ງທີ II
ໃນວັນທີ 9 ສິງຫາ 2024 ສະຫະພັນແມ່ຍິງໜ່ວຍຄະນະໂຄສະນາອົບຮົມ ນະຄອນຫຼວງວຽງຈັນ ໄດ້ເປີດກອງປະຊຸມໃຫຍ່ສະມາຊິກສະຫະພັນແມ່ຍິງໜ່ວຍຄະນະໂຄສະນາອົບຮົມນະຄອນຫຼວງວຽງຈັນ ຄັ້ງທີ II ທີ່ຫ້ອງປະຊຸມຫ້ອງວ່າການ ນະຄອນຫຼວງວຽງຈັນ ໂດຍເປັນປະທານຂອງສະຫາຍ ນາງ ວິມົນທອງ ສຸລິວົງ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມ ນະຄອນຫຼວງວຽງຈັນ ປະທານສະຫະພັນແມ່ຍິງໜ່ວຍ ໃຫ້ກຽດເຂົ້າຮ່ວມຂອງສະຫາຍ ນາງ ຫຼຽນຄຳ ວິລະພັນ ກຳມະການພັກ, ປະທານສະຫະພັນແມ່ຍິງ ນະຄອນຫຼວງວຽງຈັນ ມີສະຫາຍ ສະເດັດດາ ສີອຳພອນ ເລຂາໜ່ວຍພັກ, ວ່າການຫົວໜ້າຄະນະໂຄສະນາອົບຮົມ ນະຄອນຫຼວງວຽງຈັນ ມີແຂກເຊີນພາຍໃນຕຶກສຳນັກງານ ແລະ ສະມາຊິກແມ່ຍິງ ເຂົ້າຮ່ວມ.
ສະຫາຍ ນາງ ວິມົນທອງ ສຸລິວົງ ໄດ້ຍົກໃຫ້ເຫັນຜົນງານການເຄື່ອນໄຫວໃນໄລຍະ 5 ປີຜ່ານມາຄື: ສະຫະພັນແມ່ຍິງໜ່ວຍຄະນະໂຄສະນາອົບຮົມ ນະຄອນຫຼວງວຽງຈັນ ເປັນໜ່ວຍເອກະລາດ ທີ່ແຍກອອກຈາກໜ່ວຍສະຫະພັນແມ່ຍິງຈັດຕັ້ງ-ໂຄສະນາ ໃນປີ 2010 ມາເປັນໜ່ວຍເອກະລາດຈົນເຖິງປະຈຸບັນ, ຊຶ່ງມີີການໂຮມກັນສັງກັດຂອງສະມາຊິກແມ່ຍິງຄະນະໂຄສະນາອົບຮົມ ນະຄອນຫຼວງວຽງຈັນ ແລະ ສະຖາບັນວິທະຍາສາດເສດຖະກິດ-ສັງຄົມ ນະຄອນຫຼວງວຽງຈັນ ໃນປີ 2021, ມີຈໍານວນສະມາຊິກ 12 ສະຫາຍ, ໃນນັ້ນ: ຈາກຄະນະໂຄສະນາອົບຮົມ ນະຄອນຫຼວງວຽງຈັນ ຈໍານວນ 11 ສະຫາຍ ແລະ ສະຖາບັນວິທະຍາສາດເສດຖະກິດ-ສັງຄົມ ນະຄອນຫຼວງວຽງຈັນ ຈໍານວນ 1 ສະຫາຍ; ເປັນອົງການຈັດຕັ້ງມະຫາຊົນ ພາຍໃຕ້ການນໍາພາ-ຊີ້ນໍາຂອງໜ່ວຍພັກຄະນະໂຄສະນາອົບຮົມ ນະຄອນຫຼວງວຽງຈັນ ແລະ ສາຍຕັ້ງ ສະຫະພັນແມ່ຍິງນະຄອນຫຼວງວຽງຈັນ, ບົນພື້ນຖານການປະຕິບັດໜ້າທີ່ການເມືອງ ຕາມພາລະບົດບາດ ຕິດພັນກັບວຽກງານວິຊາສະເພາະຂອງຕົນ ດ້ວຍຄວາມຮັບຜິດຊອບສູງ, ປະຕິບັດກົດລະບຽບຂອງພັກ, ກົດໝາຍຂອງລັດ, ລະບຽບລັດຖະກອນ ກໍຄືລະບຽບຂອງສະຫະພັນແມ່ຍິງລາວ ທີ່ສູນກາງວາງອອກຢ່າງເຂັ້ມງວດ. ໜ່ວຍພວກເຮົາໄດ້ເກັບເງິນບໍາລຸງໜ່ວຍທັງໝົດ ຈໍານວນ 2.880.000 ກີບ, ມອບເງິນໃຫ້ສະຫະພັນແມ່ຍິງ ນະຄອນຫຼວງວຽງຈັນຈໍານວນ 960.000 ກີບ, ມີລາຍຈ່າຍບໍລິຫານຮັບໃຊ້ວຽກງານຂອງໜ່ວຍ ເຊັ່ນ: ຊຸກຍູ້ນາຍ ແລະ ພົນທະຫານ ເນື່ອງໃນໂອກາດວັນສ້າງຕັ້ງກອງທັບ ປະຊາຊົນລາວ; ຊື້ເສືອແບບສະຫະພັນແມ່ຍິງລາວ ຈໍານວນ 12 ຕ່ອນ, ຂະບວນການກິລາ, ເກີດລູກ, ເຈັບປ່ວຍ, ຄອບຄົວພະນັກງານເສຍຊີວິດ, ແລະ ວຽກງານຂອງສະຫະພັນແມ່ຍິງວາງອອກ ເປັນຈໍານວນເງິນທັງໝົດ 1.092.000 ປະຈຸບັນມີເງິນພາຍໃນຄັງຂອງໜ່ວຍຈໍານວນ 828.000 ກີບ.
ໃນນັ້ນ, ວຽກທີ່ພົ້ນເດັ່ນແມ່ນ: ເຂົ້າຮ່ວມຂະບວນການລົງກໍ່ສ້າງຮາກຖານການເມືອງ, ພັດທະນາຊົນ ນະບົດ, ແກ້ໄຂຄວາມທຸກຍາກ ແລະ ວຽກງານ 3 ສ້າງ ຢູ່ເມືອງໄຊທານີ ຈໍານວນ 01 ສະຫາຍ, ເປັນຄະນະຮັບຜິດຊອບກອງເລຂາຕິດຕາມ, ເກັບກໍາສະພາບຂະບວນການວຽກງານດັ່ງກ່າວຂັ້ນນະຄອນຫຼວງ ຈໍານວນ 02 ສະຫາຍ; ເຂົ້າຮ່ວມປະກອບສ່ວນເປັນກອງເລຂາຊ່ວຍວຽກອະນຸກໍາມະການບຸກຄະລາກອນ ແລະ ອະນຸກໍາມະການເນື້ອໃນ ກະກຽມກອງປະຊຸມໃຫຍ່ 3 ຂັ້ນຂອງພັກ ຈໍານວນ 05 ສະຫາຍ; ເຂົ້າຮ່ວມສ້າງຂະບວນການອອກແຮງງານຂໍ່ານັບຮັບຕ້ອນວັນສໍາຄັນຕ່າງໆ ຂອງພັກ, ຂອງຊາດ ຢູ່ເສັ້ນທາງ 450 ປີ ແລະ ທາງວົງວຽນດອນໜູນ; ເຂົ້າຮ່ວມຂະ ບວນການຍ່າງເພື່ອສຸຂະພາບ ສະເຫຼີມສະຫຼອງວັນເກີດ ປະທານ ຄຳໄຕ ສີພັນດອນ ຄົບຮອບ 100 ປີ; ອອກແຮງງານອະນາໄມລວມສັບປະດາວຽງຈັນສະອາດ; ເຂົ້າຮ່ວມຂະບວນການອອກແຮງງານລວມເພື່ອສະເຫຼີມສະຫຼອງວັນແມ່ ຍິງສາກົນ ຄົບຮອບ 115 ປີ ຢູ່ເສັ້ນທາງ 450 ປີ; ເຂົ້າຮ່ວມສ້າງຂະບວນການອອກແຮງງານ ເພື່ອຄຳນັບຮັບຕ້ອນວັນສ້າງຕັ້ງສະຫະພັນແມ່ຍິງລາວ ຄົບຮອບ 68 ປີ ແລະ ອື່ນໆ. ເຊີ່ງໄດ້ຮັບໃບຍ້ອງຍໍໄດ້ຮັບຮອງເປັນພະແນກການ 3 ດີ, ຍ້ອງຍໍຜົນງານດີເດັ່ນໃນການປະຕິບັດຂໍ້ແຂ່ງ 3 ດີ ສະໄໝທີ VII (2016-2020) ຈາກສູນກາງສະຫະພັນແມ່ຍິງລາວ ແລະ ໄດ້ຮັບຮອງເປັນພະແນກການ 3 ດີ ທີ່ມີຜົນງານດີເດັ່ນໃນການປະຕິບັດຂໍ້ແຂ່ງ 3 ດີໄລຍະທີ I (2021-2022).
ກອງປະຊຸມໃຫຍ່ໄດ້ໃຊ້ສິດປະຊາທິປະໄຕ ປ່ອນບັດຄັດເລືອກເອົາຄະນະສະຫະພັນແມ່ຍິງໜ່ວຍຄະ ນະໂຄສະນາອົບຮົມ ນະຄອນຫຼວງວຽງຈັນ ຄັ້ງທີ II ລວມມີ 3 ສະຫາຍ, ເຊິ່ງປະກອບດ້ວຍຜູ້ທີ່ມີມາດຖານ, ເງື່ອນໄຂຄົບຖ້ວນ ຕາມທີ່ກຳນົດໄວ້ໃນລະບຽບຂອງແມ່ຍິງລາວ, ເພື່ອສືບຕໍ່ນຳພາຜັນຂະຫຍາຍ ມະຕິກອງປະຊຸມໃຫຍ່ຂອງໜ່ວຍຄະນະໂຄສະນາອົບຮົມ ນະຄອນຫຼວງວຽງຈັນ ຄື: ສະຫາຍ ນ. ລັດສະນີ ຮຸ່ງບຸນຍວງ ເປັນປະທານໜ່ວຍ, ສະຫາຍ ນ. ວັນນະສິນ ສີລາເພັດ ເປັນຮອງປະທານ, ສະຫາຍ ນ. ສຸພາພອນ ແສງອ່ອນ ເປັນຮອງປະທານ ແລະ ໄດ້ເລືອກເອົາປະທານ, ຮອງປະທານກວດກາ ແລະ ຜູ້ຊ່ວຍວຽກກວດກາ ສະຫະພັນແມ່ຍິງ ຄື: ສະຫາຍ ນ. ວັນນະສິນ ສີລາເພັດ ເປັນປະທານກວດກາໜ່ວຍ ແລະ ສະຫາຍ ນ. ສອນວິໄລ ບຸນຍະວົງ ຜູ້ຊ່ວຍວຽກກວດກາ
