ພິທີປະດັບຫຼຽນໄຊແຮງງານ ແລະ ຫຼຽນກາແຮງງານບັ້ນກະກຽມ ແລະ ດຳເນີນກອງປະຊຸມອາຊຽນທີ່ ສປປ ລາວ ເປັນປະທານ ຈັດຂຶ້ນວັນທີ 18 ພຶດສະພາ 2026 ທີ່ຫ້ອງວ່າການປົກຄອງນະຄອນຫຼວງວຽງຈັນ ເປັນກຽດເຂົ້າຮ່ວມຂອງ ທ່ານ ອາດສະພັງທອງ ສີພັນດອນ ກໍາມະການສູນກາງພັກ, ເລຂາຄະນະບໍລິຫານງານພັກ ປະທານສະພາປະຊາຊົນ ນະຄອນຫຼວງວຽງຈັນ ມີປະທານ ຮອງປະທານຄະນະກຳມະການປົກຄອງ ນະຄອນຫຼວງວຽງຈັນ, ເມືອງ ແລະ ພະນັກງານກ່ຽວຂ້ອງ ເຂົ້າຮ່ວມ.

   

      ໃນພິທີ ທ່ານ ພູທອນ ແກ້ວດວງມະນີ ຫົວໜ້າຄະນະຈັດຕັ້ງ ນະຄອນຫຼວງວຽງຈັນ ໄດ້ຜ່ານລັດຖະດຳລັດຂອງປະທານປະເທດວ່າ ດ້ວຍການປະດັບຫຼຽນໄຊແຮງງານຊັ້ນ I ແລະ ຫຼຽນໄຊພັດທະນາຊັ້ນ III ໃຫ້ແກ່ຜູ້ທີ່ມີຜົນງານດີເດັ່ນໃນການປະກອບສ່ວນພັດທະນາ ນວນະຄອນຫຼວງວຽງຈັນ ໃນ ນັ້ນໄດ້ປະດັບຫຼຽນໄຊແຮງງານຊັ້ນ I ໃຫ້ແກ່ ທ່ານ ປຣະເສີດ ບັນຈົງພັກດີ ຜູ້ກໍ່ຕັ້ງທັງເປັນປະທານບໍລິສັດຫຍ້າສີຟ້າ ທີ່ມີຜົນ ງານໃນການອອກແບບສະຖາປັດຕະຍະກໍາທີ່ເປັນເອກະລັກພົ້ນເດັ່ນຂອງ ສປປ ລາວ ປະດັບຫຼຽນໄຊພັດທະນາຊັ້ນ III ໃຫ້ແກ່ທ່ານ ປະສາດໄຊ ພິລາພັນເດຊ ຜູ້ອຳນວຍການບໍລິສັດລາວໂຕໂຍຕ້າບໍລິການ ຈຳກັດ ທີ່ມີຜົນງານປະກອບສ່ວນໃນໂຄງການກໍ່ ສ້າງໂຮງຮຽນມັດທະຍົມສົມບູນບ້ານ ສົມສະຫວາດ ເມືອງປາກງື່ມ ນະຄອນຫຼວງວຽງຈັນ ຈາກນັ້ນກໍໄດ້ປະດັບຫຼຽນໄຊແຮງງານຊັ້ນ II ຊັ້ນ III ແລະ ຫຼຽນກາແຮງງານໃຫ້ແກ່ຜູ້ມີຜົນງານດີເດັ່ນໃນບັ້ນກະກຽມ ແລະ ດໍາເນີນການເປັນປະທານອາຊຽນຂອງ ສປ ປ ລາວ ໃນປີ 2024 ຜ່ານມາ ໃນນັ້ນໄດ້ປະດັບຫຼຽນໄຊແຮງງານຊັ້ນ II ໃຫ້ແກ່ຄະນະນຳ ນວ 9 ທ່ານຄື ທ່ານ ອາດສະພັງທອງ ສີພັນດອນ ທ່ານ ສີລິລາດທົງສິນ ທອງເພັງ ປະທານຄະນະກໍາມະ ການປົກຄອງ ນະຄອນຫຼວງວຽງຈັນ ພ້ອມດ້ວຍຄະນະນຳ ນະຄອນຫຼວງວຽງຈັນ 7 ທ່ານ.

      ພ້ອມນັ້ນກໍໄດ້ປະດັບຫຼຽນໄຊແຮງງານຊັ້ນ III ໃຫ້ແກ່ບັນດາຄະນະນໍາ ນວ 105 ທ່ານ ແລະ ປະດັບຫຼຽນກາແຮງງານ 14 ທ່ານຕື່ມອີກ ທັງນີ້ກໍເພື່ອຢັ້ງຢືນເຖິງເຫັນຜົນງານອັນດີເດັ່ນຂອງບັນທ່ານທີ່ໄດ້ໃນການປະກອບສ່ວນດ້ານເຫື່ອແຮງ ສະຕິປັນຍາ ແລະ ງົບປະມານເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ.