ກອງປະຊຸມໃຫຍ່ ຄັ້ງທີ vI ສະມາຊິກກຳມະບານຮາກຖານ

ໃນວັນທີ 15 ສິງຫາ 2024 ກຳມະບານຮາກຖານຄະນະໂຄສະນາອົບຮົມ ນະຄອນຫຼວງວຽງຈັນ ໄດ້ຈັດກອງປະຊຸມໃຫຍ່ ຄັ້ງທີ vI ສະມາຊິກກຳມະບານຮາກຖານຄະນະໂຄສະນາອົບຮົມ ນະຄອນຫຼວງວຽງຈັນ ໂດຍເປັນປະທານຂອງ ສະຫາຍ ນາງ ວັນນະສິນ ສີລາເພັດ ປະທານກຳມະບານຮາກຖານຄະນະໂຄສະນາອົບຮົມ ນະຄອນຫຼວງວຽງຈັນ ເປັນກຽດເຂົ້າຮ່ວມຂອງສະຫາຍ ນາງ ພູວັນ ເພັດຊົມພູ ຮອງປະທານສະຫະພັນກຳມະບານ ນະຄອນຫຼວງວຽງຈັນ ແລະ ສະຫາຍ ສະເດັດດາ ສີອຳພອນ ເລຂາໜ່ວຍພັກ, ວ່າການຫົວໜ້າຄະນະໂຄສະນາອົບຮົມ ນະຄອນຫຼວງວຽງຈັນ ມີແຂກເຂົ້າຮ່ວມ 08 ພາກສ່ວນ ຈາກພາຍໃນຕຶກສໍານັກງານອົງການປົກຄອງ ນະຄອນຫຼວງວຽງຈັນ ແລະ ສະມາຊິກກຳມະບານຮາກຖານຄະນະໂຄສະນາອົບຮົມ ຄະນະໂຄສະນາອົບຮົມເຂົ້າຮ່ວມ.

ສະຫາຍ ນ. ວັນນະສິນ ສີລາເພັດ ຂຶ້ນຜ່ານບົດລາຍງານການເມືອງ ຈຶ່ງຍົກໃຫ້ເຫັນໃນໄລຍະ 5 ປີຜ່ານມາ ສະມາຊິກກໍາມະບານຮາກຖານຂອງພວກເຮົາ ເຊິ່ງເປັນກໍາມະບານເຄີ່ງອາຊີບໄດ້ເອົາໃຈໃສ່ປະຕິບັດວຽກງານວິຊາສະເພາະ ຕິດພັນກັບການເຄື່ອນໄຫວວຽກງານກຳມະບານ ແຕ່ລະສະຫາຍ ກໍໄດ້ສຸມສະຕິປັນຍາ, ເຫື່ອແຮງ, ຄວາມຮູ້ ຄວາມສາມາດ ເຂົ້າໃສ່ໃນການປະຕິບັດວຽກງານວິຊາສະເພາະຂອງຕົນທີ່ຮັບຜິດຊອບ ໃຫ້ສໍາເລັດໜ້າທີ່ຕາມການມອບໝາຍ ເຊິ່ງມັນໄດ້ສະແດງອອກ ຄື: ໄດ້ຄົ້ນຄວ້າຮຽບຮຽງ  ເນື້້ອໃນເອກະສານປາຖະກະຖາ ເພື່ອເສີມຂະຫຍາຍວັນສໍາຄັນຂອງຊາດ, ຂອງພັກ ແລະ ຂອງສາກົນ ພ້ອມທັງຈັດຕັ້ງປະສານສົມທົບ ແລະ ຕິດຕາມ, ຊຸກຍູ້ເກັບກໍາສະຖິຕິໂຄສະນາ, ເຜີຍແຜ່ຜົນສໍາເລັດກອງປະຊຸມສຳຄັນຂອງຊາດ ຂອງພັກ, ສະພາບພົ້ນເດັ່ນເກີດຂຶ້ນທັງພາຍໃນ ແລະ ຕ່າງ ປະເທດ ໄດ້ທັງໝົດ 2.071 ຄັ້ງ ມີຜູ້ເຂົ້າຮ່ວມທັງໝົດ 332.363 ເທື່ອຄົນ ຍິງ 92.376 ເທື່ອຄົນ; ອັບເດດຂ່າວສານ ລົງເພຈ໌, ເຟສ໌ບຸກ ແລະ ເວັບໄຊສ ຂອງຄະນະໂຄສະນາອົບຮົມ ນະຄອນຫຼວງວຽງຈັນ ໄດ້ທັງໝົດ 1.288 ຄັ້ງ, ຂຽນຂ່າວສານ ລົງເພຈ໌, ເຟສ໌ບຸກ ແລະ ເວັບໄຊສ 75 ຂ່າວ ແລະ ໄດ້ຈັດພິມວາລະ ສານ ນະຄອນຫລວງ 14 ສະບັບ ຈໍານວນ 28.000 ຫົວ. ໄດ້ຕິດຕາມ, ເກັບກຳສະພາບແນວຄິດ-ຫາງສຽງສັງຄົມ, ສະພາບປະກົດການຫຍໍ້ທໍ້ຕ່າງໆ ທີ່ເກີດຂຶ້ນ ທົ່ວນະຄອນຫຼວງຈັນ ຢ່າງເປັນປົກກະຕິ; ພົ້ນເດັ່ນແມ່ນໄດ້ຈັດກອງປະຊຸມສ່ອງແສງສະພາບແນວຄິດຫາງສຽງ-ສັງຄົມ ປະຈຳພາກ ຢູ່ນະຄອນຫຼວງວຽງຈັນ, ເຂົ້າຮ່ວມລາຍງານ ສະພາບພົ້ນເດັ່ນທາງດ້ານແນວຄິດ ແລະ ຫາງສຽງສັງຄົມໃຫ້ຄະນະໂຄສະນາອົບຮົມສູນກາງພັກ, ຄະນະປະຈຳພັກ ນະຄອນຫຼວງວຽງຈັນ 23 ຄັ້ງ. ສາມາດເກັບກຳບັນຫາຂອງປະຊາຊົນ ແລະ ສັງຄົມຂ້ອງໃຈ ໄດ້ຈໍານວນ 78 ບັນຫາ. ໄດ້ຄົ້ນຄວ້າບັນດາເອກະສານສໍາຄັນຕ່າງໆ ເປັນຕົ້ນ ຄົ້ນຄວ້າການສ້າງຮ່າງລັດຖະບັນຍັດ ຂອງປະທານປະເທດ ວ່າດ້ວຍນະຄອນຫຼວງວຽງຈັນ ໄດ້ 15 ຄັ້ງ, ປະຈຸບັນ ຢູ່ໃນຂັ້ນການຄົ້ນຄວ້າ ຂອງກະຊວງພາຍໃນ; ຄົ້ນຄວ້າການສ້າງ ຮ່າງລັດຖະບັນຍັດ ຂອງປະທານປະເທດ ວ່າດ້ວຍຄ່າບໍລິການຕົວເມືອງ ໄດ້ 18 ຄັ້ງ, ປັດຈຸບັນ ຢູ່ໃນຂັ້ນຕອນການຄົ້ນຄວ້າ ຂອງກະຊວງພາຍໃນ; ສ້າງແຜນ ຈັດເຝິກອົບຮົມ ກ່ຽວກັບວຽກງານ ນຳໃຊ້ໂປຣແກ້ມເອັກເຊວ ໃຫ້ແກ່ພະນັກງານລັດຖະກອນ ໃນຂົງເຂດເສດຖະກິດ ຢູ່ນະຄອນຫຼວງວຽງຈັນ; ເກັບກຳຂໍ້ມູນ ຂຽນປື້ມ 20 ປີ ການຮ່ວມມື ກັບສະມາຄົມ ສາກົນຝຣັ່ງໂກໂຟນີ AIMF; ກະກຽມຂຶ້ນແຜນໃນການສ້າງໂຄງການ ໂຄງປະກອບເສດຖະກິດ ຫັນປ່ຽນໄປຕາມທິດທີ່ມີຄຸນນະພາບ, ຍືນຍົງ ແລະ ສີຂຽວ. ໄດ້ຕິດຕາມ, ຊຸກຍູ້ ແລະ ເກັບກໍາ ການຈັດຕັ້ງເຜີຍແຜ່ເຊື່ອມຊຶມເອກະສານຕ່າງໆ ເປັນຕົ້ນ: ຈັດຕັ້ງເຊື່ອຊຶມແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ  ມະຕິ VII  ຂອງອົງຄະນະພັກ ນະ ຄອນຫຼວງວຽງຈັນ; ບັັ້ນເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນ ນະຄອນຫຼວງວຽງຈັນ ຊຸດທີ II; ມະຕິ 01,02,04 ຂອງຄະນະບໍລິຫານງານສູນກາງພັກ, ມະຕິກອງປະຊຸມຄົບຄະນະບໍລິຫານງານສູນກາງພັກ; ເອກະສານການເມືອງ-ແນວຄິດ ເພື່ອກະກຽມ ແລະ ດຳເນີນກອງປະຊຸມ 3 ຂັ້ນຂອງພັກ; ມະຕິຂອງຄະນະບໍລິຫານງານສູນກາງພັກ ສະບັບເລກທີ 05/ຄບສພ ລົງວັນທີ 5 ກັນຍາ 2023 ວ່າດ້ວຍສືບຕໍ່ ຍູ້ແຮງການຜັນຂະຫຍາຍແນວທາງປ່ຽນແປງໃໝ່ສູ່ລວງເລີກ ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ ໃນການນໍາພາຂອງພັກ ແລະ ເອກະສານອື່ນໆ ໄດ້ທັງໝົດ 18.545 ຄັ້ງ, ມີຜູ້ເຂົ້າຮ່ວມ 862.417 ສະຫາຍ ຍິງ 248.073 ສະຫາຍ; ເປີດຊຸດອົບຮົມ ແລະ ຕິດຕາມ, ຊຸກຍູ້, ເກັບກໍາການເປີດຊຸດອົບຮົມ (ຮຽນສະໜັບສະໜູນ) ໃຫ້ເປົ້າໝາຍຂະຫຍາຍເຂົ້າພັກ ຂອງບັນດາພະແນກການ-ອົງການທຽບພະແນກ ທົ່ວນະຄອນຫຼວງວຽງຈັນ ແລະ ເມືອງ ໄດ້ທັງໝົດຈຳນວນ 171 ຊຸດ, ມີຜູ້ເຂົ້າຮ່ວມ  3.191 ສະຫາຍ ຍິງ 1.116 ສະຫາຍ; ຕິດຕາມ, ເກັບກໍາການຈັດຕັ້ງບໍາລຸງ, ຍົກລະດັບທິດສະດີການເມືອງ-ການປົກຄອງ ຢ່າງເປັນລະບົບ ເປັນຕົ້ນ: ລະບົບ 10 ວັນ, ບໍາລຸງໄລຍະສັ້ນ 45 ວັນ, ຂັ້ນຕົ້ນ, ຂັ້ນກາງ ແລະ ຂັ້ນສູງ ໃຫ້ສະມາຊິກພັກ, ພະນັກງານຫຼັກແຫຼ່ງຈາກແຕ່ລະຂົງເຂດວຽກງານ ແລະ ເມືອງ ທົ່ວນະຄອນຫຼວງວຽງຈັນ ໄດ້ທັງໝົດ 69 ຊຸດ ເຂົ້າຮ່ວມ 3.296 ສະຫາຍ ຍິງ 978 ສະຫາຍ.

ໃນກອງປະຊຸມ ສະມາຊິກກໍາມະບານ ໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກ ຄະນະກໍາມະບານຮາກຖານຊຸດໃໝ່  ບົນພື້ນຖານຄວາມຖືກຕ້ອງສອດຄ່ອງກັບມາດຖານທີ່ໄດ້ກໍານົດໄວ້ ເຊິ່ງມີຜູ້ຮັບສະໝັກເລືອກຕັ້ງ 05 ສະຫາຍ, ຍິງ 03 ສະຫາຍ, ເລືອກໄດ້ 3 ສະຫາຍ ຍິງ 2 ສະຫາຍ ຄື: ສະຫາຍ ນາງ ຂັນທະລີ ລິດທິວົງ ເປັນປະທານ, ສະຫາຍ ນາງ ຂັນຄໍາ ຕາງນະວົງ ຮອງປະທານ ທັງເປັນປະທານກວດກາ ແລະ ສະຫາຍ ໄຊປະເສີດ ທະນົງເດດ ເປັນຮອງປະທານ.

ກອງປະຊຸມໃຫຍ່ໄດ້ຮັບຟັງການໂອ້ລົມຈາກ ສະຫາຍ ນາງ ພູວັນ ເພັດຊົມພູ ຮອງປະທານສະຫະ ພັນກໍາມະບານ ນະຄອນຫຼວງວຽງຈັນ ເຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍ ຕໍ່ການນໍາພາ-ຊີ້ນໍາຂອງຄະນະກໍາມະບານຮາກຖານ, ສະແດງຄວາມຊົມເຊີຍຕໍ່ສະມາຊິກກໍາມະບານທຸກສະຫາຍ ທີ່ໄດ້ເອົາໃຈໃສ່ຕໍ່ການປະຕິບັດວຽກງານຢ່າງຫ້າວຫັນ,  ພ້ອມນີ້ຍັງໄດ້ໃຫ້ທິດຊີ້ນໍາການຈັດຕັ້ງປະຕິບັດແຜນການເຄືອນໄຫວວຽກງານກໍາມະບານໃນ 5 ປີຕໍ່ໜ້າ ໃຫ້ສອດຄ່ອງກັບໜ້າທີ່ວິຊາສະເພາະ ຕິດພັນກັບການປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ໃຫ້ປະສົບຜົນສໍາເລັດຕາມຄາດໝາຍວາງໄວ້.