ກອງປະຊຸມໃຫຍ່ໜ່ວກພັກ ພາສີ ຄັ້ງທີ II
ໃນວັນທີ 14 ສິງຫາ 2024 ໜ່ວຍພັກພາສີປະຈຳນະຄອນຫລວງວຽງຈັນ ໄດ້ຈັດກອງປະຊຸມ ໃຫຍ່ຄັັ້ງທີ II ໂດຍເປັນປະທານ ສະຫາຍ ບົວວັງ ອາຕະນາພອນ ເລຂາໜ່ວຍພັກ ຫົວໜ້າພາສີປະຈຳ ນະຄອນຫລວງວຽງຈັນ ໃຫ້ກຽດເຂົ້າຮ່ວມໂດຍ ສະຫາຍ ອາດສະພັງທອງ ສີພັນດອນ ກຳມະການສູນກາງພັກ ຮອງເລຂາຄະນະພັກ ເຈົ້າຄອງນະຄອນຫລວງວຽງຈັນ ມີຮອງຄະນະຈັດຕັ້ງນະຄອນຫລວງວຽງຈັນ ແລະ ສະມາຊິກພັກພາຍໃນໜ່ວຍພັກພາສີເຂົ້າຮ່ວມ.
ສະຫາຍ ບົວວັງ ອາຕະນາພອນ ຂຶ້ນຜ່ານບົດລາຍງານການເມືອງ ຍົກໃຫ້ເຫັນຜົນງານ 5 ປີຜ່ານມາ, ໜ່ວຍພັກພາສີປະຈໍານະຄອນຫລວງວຽງຈັນ ມີສະມາຊິກພັກທັງໝົດ 33 ສະຫາຍ, ຍິງ 9 ສະຫາຍ; ເປັນສະມາຊິກພັກສົມບູນທັງໝົດ, ປະກອບມີຄະນະໜ່ວຍພັກ 03 ສະຫາຍ, ຍິງ 0 ສະຫາຍ ໃນນີ້ປະຈໍາການຕົວຈິງ 01 ສະຫາຍ. ສະມາຊິກພັກ ໄດ້ຮັບບັດສະມາຊິກພັກສົມບູນທັງໝົດ 33 ສະຫາຍ, ຍິງ 09 ສະຫາຍ ໜ່ວຍພັກພາສີປະຈໍານະຄອນຫລວງວຽງຈັນ ໃນເມື່ອກ່ອນເປັນໜ່ວຍພັກກອງຄຸ້ມຄອງພາສີ V ຍ້ອນມີການປັບປຸງການຈັດຕັ້ງລັດ, ໜ່ວຍພັກດັ່ງກ່າວຈຶ່ງປ່ຽນມາເປັນໜ່ວຍພັກພາສີປະຈໍານະຄອນຫລວງວຽງຈັນ, ຕາມມະຕິຕົກລົງຂອງຄະນະປະຈໍາພັກນະຄອນຫລວງວຽງຈັນ ເລກທີ 242/ຄປ ພ.ນວ, ລົງວັນທີ 24 ເມສາ 2024, ໜ່ວຍພັກພາສີປະຈໍານະຄອນຫລວງວຽງຈັນ ເປັນ 01 ໃນ 05 ໜວ່ຍພັກຂອງກອງຄຸ້ມຄອງພາສີ V, ເຊິ່ງປະຈຸບັນ 04 ໜ່ວຍພັກທີ່ຂຶ້ນກັບກອງຄຸ້ມຄອງພາສີ V ໃນເມື່ອກອ່ນແມ່ນໄດ້ຍຸບເລີກຕາມມະຕິຕົກລົງສະບັບເລກທີ 293/ຄປພ.ນວ, ລົງວັນທີ 15 ພຶດສະພາ 2024 ແລະ ໄດ້ມາຮ່ວມເຂົ້າເປັນໜ່ວຍພັກພາສີປະຈໍານະຄອນຫລວງວຽງຈັນ
ປະຈຸບັນໜ່ວຍພັກພາສີປະຈໍານະຄອນຫລວງວຽງຈັນ ແມ່ນການໂຮມເອົາ 04 ໜ່ວຍ ຂອງຂະແໜງພາສີໃນເມື່ອກອ່ນ ຄື: ໜ່ວຍພັກດ່ານພາສີສາກົນສະໝາມບິນວັດໄຕ, ໜ່ວຍພັກດ່ານພາສີສາງທ່ານາແລ້ງ, ໜ່ວຍພັກດ່ານພາສີທອ້ງຖິ່ນທ່າເດື່ອ, ໜ່ວຍພັກດ່ານພາສີປະເພນີໜອງດາ ທີ່ໄດ້ຍຸບເລີກຕາມມະຕິຕົກ ລົງສະບັບເລກທີ 293/ຄປພ.ນວ, ລົງວັນທີ 15 ພືດສະພາ 2024, ມະຕິຕົກລົງສະບັບເລກທີ 363/ຄປພ.ນວ, ລົງວັນທີ 13 ມີຖຸນາ 2024
ຜົນຂອງການຈັດຕັ້ງປະຕິບັດເຄື່ອນໄຫວ, ນຳພາ-ຊີ້ນໍາຂອງຄະນະໜ່ວຍພັກໃນໄລຍະ 05 ປີຜ່ານມາ ໃນການຈັດຕັ້ງ, ປະຕິບັດບັນດາແຜນງານ, ໂຄງການທີ່ໄດ້ວາງອອກນັ້ນ ສະແດງອອກໃນພຶດຕິກໍາຕົວຈິງຂອງການຈັດຕັ້ງປະຕິບັດສາມາດຍາດໄດ້ຜົນສໍາເລັດ ດັ່ງນີ້: ຂະແໜງກວດກາ ແລະ ກວດສອບຄືນ ການແຈ້ງພາສີ ລວມແຜນການ 04 ປີ (2020 -2023) ແຜນການ 04 ປີ = 19,144,000,000 ຕື້ກີບ, ປະຕິບັດໄດ້ 26,409,496,424 ຕື້ກີບ = 137,95 % 07 ເດືອນຕົ້ນປີ ສົກປີ 2024 ແຜນການ 5,000,000,000 ກີບ, 07 ເດືອນຕົ້ນປີ ປະຕິບັດໄດ້ 2,959,785,700 ກີບ = 59.20%, ກວດກາຄືນຫລັງການແຈ້ງພາສີບັນດາ ວິສາຫະກິດນໍາເຂົ້າ-ສົ່ງອອກ ແລະ ຜ່ານແດນ ຈໍານວນ2,568 ເທື່ອຄັ້ງ, ສາມາດຈັດເກັບລາຍຮັບໄດ້ ຈໍານວນ 800,889,400 ກີບ, ດ່ານພາສີສາກົນສະໝາມບິນວັດໄຕ ລວມ ແຜນການ 04 ປີ (2020-2023) ແຜນການ 214,205,000,000 ຕື້ກີບ, ປະຕິບັດໄດ້ 181,721,257,609 ຕື້ກີບ =84,84% 07 ເດືອນຕົ້ນປີ ສົກປີ 2024 ແຜນການ 90,358,000,000 ຕື້ກີບ, ປະຕິບັດໄດ້ 80,043,803,440 ຕື້ກີບ = 88,59 %, ການກວດກາພົບ, ຢຸດຢາເສບຕິດ ຈໍານວນ 123 ຄະດີ, ດ່ານພາສີສາງທ່ານາແລ້ງ ສົກປີ 2020 ຂຶ້ນເປັນດ່ານດຽວ ນໍາດ່ານພາສີສາກົນ ຂົວມິດຕະພາບ 1 ສົກປີ 2021 ຂຶ້ນເປັນດ່ານດຽວ ດ່ານພາສີສາກົນ ຂົວມິດຕະພາບ 1 ສົກປີ 2022 ແຜນການ 7,652,700,700 ຕື້ກີບ ປະຕິບັດໄດ້ 2,505,409,651,618 = 94,45 % ສົກປີ 2023 ແຜນການ 2,700,000,000,000 ຕື້ກີບ, ປະຕິບັດໄດ້5,157,911,572,520 ຕື້ກີບ = 191,03 % ສົກປີ 2024 ນັບແຕ່ ເດືອນເມສາ ປີ 2023 ປິດບໍລິການເຂົ້າ-ອອກດ່ານ, ສິນຄ້າ, ເຄື່ອງຂອງເຂົ້າຈຸດດຽວ ຢູ່ດ່ານພາສີທ່າບົກ.
ກອງປະຊຸມ ໄດ້ພ້ອມກັນໃຊ້ສິດຂອງຕົນ ປ່ອນບັດເລືອກເອົາຄະນະໜ່ວຍພັກພາສີປະຈຳ ນະ ຄອນຫລວງວຽງຈັນ ຊຸດໃໝ່, ບົນພື້ນຖານຫລັກການລວມສູນປະຊາທິປະໄຕ ຖືກຕ້ອງສອດຄ່ອງກັບມາດຖານ-ເງື່ອນໄຂທີ່ກຳນົດໄວ້, ເຊິ່ງມີຜູ້ສະໜັກຮັບເລືອກຕັ້ງ ຈໍານວນ: 07 ສະຫາຍ, ໃນນັ້ນມີຍິງ 02 ສະຫາຍ ແລະ ເລືອກໄດ້ ຈໍານວນ: 05 ສະຫາຍ, ຍິງ 01ສະຫາຍ ຄື: ສະຫາຍ ພຸດທະນິກອນ ເຄນນາວົງ ເປັນເລຂາໜ່ວຍພັກ, ສະຫາຍ ບົວວັງ ອາຕະນາພອນ ເປັນຮອງເລຂາໜ່ວຍພັກ, ສະຫາຍ ຄໍາແປນ ສີຈັນທະລາດ ເປັນຄະນະໜ່ວຍພັກ ທັງເປັນປະທານກວດກາໜ່ວຍພັກ, ສະຫາຍ ນາງ ດວງຈັນ ພູມສະຫວັນ ເປັນຄະນະໜ່ວຍພັກ ທັງເປັນຮອງປະທານກວດກາໜ່ວຍພັກ ແລະ ສະຫາຍ ວິລຸນ ຫລວງໄຊຊະນະ ເປັນຄະນະໜ່ວຍພັກ.
